قىزىل گۋاردىيە

ئۇنىۋېرسال,ھەربىي 赤卫军 chì wèi jūn

赤卫队 chì wèi duì روسىيە ئۆكتەبىر ئىنقىلابى ۋە سوۋېت روسىيىسى ئىچكى ئۇرۇشنىڭ دەسلەپكى مەزگىلىدىكى بولشۋىكلار پارتىيىسى رەھبەرلىك قىلغان ئىشچىلارنىڭ قوراللىق ئەترىتى. دەسلەپ 1905 - يىلدىكى ئىنقىلاب مەزگىلىدە (ئىشچىلار جەڭگىۋار ئەترىتى) بارلىققا كەلگەن بولۇپ، دېكابر قوراللىق قوزغىلىڭى داۋامىدا مۇھىم رول ئوينىغان. ئۆكتەبر ئىنقىلابىي غەلىبە قىلغاندىن كېيىن، پېتروگراد، موسكۋا قاتارلىق جايلاردىكى ئىشچىلار بولشېۋىكلار پارتىيىسىنىڭ چاقىرىقىغا ئاۋاز قوشۇپ، قىزىل گۋاردىيە ئەترىتىنى تەشكىللەپ، زاۋۇتلارنى قودىغان، شۇ يىلى يازدا ھەرقايسى چوڭ شەھەرلەر بىلەن سانائەت مەركەزلىرىگە كېڭەيتىلگەن. كۈز پەسلىگە كەلگەندە پېتروگراد قىزىل گۋاردىيە ئەترىتىنىڭ سانى كۆپىيىپ 20 مىڭ كىشىگە، پۈتكۈل روسىيىدە 200 مىڭدىن كۆپرەك كىشىگە يەتكەن. ئۇ ئۆكتەبر ئىنقىلابىدىكى ئاساسلىق قوراللىق كۈچ بولۇپ قالغان. سوۋېت ھاكىمىيىتى قۇرۇلغاندىن كېيىن، چەت ئەل مۇداخىلىيىسىگە تاقابىل تۇرغان، مەملىكەت ئىچىدىكى ئەكسىلئىنقىلابىي كۈچلەرنى باستۇرۇپ، ئىنقىلاب مېۋىلىرىنى قوغداپ قالغان. 1918 - يىلىنىڭ باشلىرىدا قىزىل ئارمىيىگە قوشۇۋېتىلىپ، سوۋېت ئىتتىپاقى قىزىل ئارمىيىسىنىڭ ئاساسىي بولۇپ قالغان.