پېرمى شەھىرى

彼尔姆市 bǐ ěr mǔ shì سوۋېت ئىتتىپاقىنىڭ ئورال رايونىدىكى مۇھىم شەھەر، پېرمى ئوبلاستىنىڭ مەركىزى. بۇ شەھەر كاما دەرياسىنىڭ ئوتتۇرا ئېقىمىدىكى كاماسۇ ئامبىرىنىڭ جەنۇبىي تەرىپىگە جايلاشقان. ئاھالىسى 1 مىليون 56 مىڭدىن ئاشىدۇ (1985). پېرمى 1781 - يىلى شەھەر بولۇپ قۇرۇلغان. 1940 - يىلدىن 1957 - يىلغىچە <مولوتوۋ> نامى بىلەن ئاتالغان. پېرمى ئورال رايونىدىكى مۇھىم نېفىت خىمىيە، ماشىنسازلىق، نېفىت ئايرىش، ياغاچ ماتېرىياللارنى پىششىقلاپ ئىلشەش، قەغەز سانائەت مەركىزى. بولۇپمۇ نېفىت خىمىيە سانائىتى ئالاھىدە مۇھىم ئورۇن تۇتىدۇ. يېنىك سانائىتىمۇ تەرەققىي قىلغان. پېرمى ئورال رايونىدىكى مۇھىم قاتناش تۈگۈنى، شەھەرنىڭ سۇ، قۇرۇقلۇق قاتنىشى تەرەققىي قىلغان. شەھەرنىڭ شىمالىدا سۇ ئېلېكتر ئىستانىسى، سوۋېت پەنلەر ئاكادېمىيىسىنىڭ ئورال پەن - تەتقىقات مەركىزى ئورۇنلىرى، كۆپلىگەن ئالىي بىلىم يۇرتلىرى بار.