پلائۇن

石松 shísōng پلائۇن ئائىلىسىگە كىرىدۇ، يەر باغىرلىغۇچى شېخى پېلەكسىمان بولۇپ، شاخلىنىدۇ، يوپۇرماقلىرى شالاڭ ئۆسىدۇ. تىك ئۆسىدىغان غولىنىڭ ئېگىزلىكى 15 - 30 سانتىمېتر كېلىدۇ، شاخلىنىدۇ، ۋېگېتاتىۋلىق شېخى كۆپ قايتىلىنىدۇ، يوپۇرماق زىچ ئۆسىدۇ. يوپۇرمىقى يىڭنىسىمان بولۇپ، ئۇچى قىسىمىدا ئاسان تۆكۈلۈپ كېتىدىغان قىلتىرىقسىمان ئۇزۇن قۇيرۇقى بولىدۇ. سپورا خالتا باشىقىنىڭ سېپى بولىدۇ. 2 - 6 دانە سپورا خالتا باشىقى سپورىلىق شاخنىڭ ئۇچى قىسىمىدا ئۆسىدۇ؛ سپورىلىق يوپۇرمىقى تۇخۇمسىمان، ئۈچ بۇلۇڭسىمان سپورا خالتىسى بۆرەكسىمان بولىدۇ. سپورىسى سېرىق بولۇپ <پلائۇن چېڭى> دەپ ئاتىلىدۇ. جۇڭگونىڭ شىمالى ۋە جەنۇبىدىكى ھەر قايسى جايلارغا كەڭ تارقالغان، تاغ باغرىدىكى كىسلاتا خاراكتېرلىك تۇپراقتا ئۆسىدۇ، پۈتۈن ئۆسۈملۈك تۈپى دورا قىلىنىدۇ. پلائۇن جۇڭگوچە دورىلاردا <پەنى سوزغۇچى ئوت> دەپ ئاتىلىدۇ. پلائۇن چېڭى مېتاللۇرگىيە سانائىتىدە ئەلا سۈپەتلىك تىپقا ئايرىغۇچى، يورۇتۇش سانائىتىدە يالتىراق نۇر دورىسى قىلىنىدۇ. ئۇنىڭدىن باشقا، كۇمىلاچ دورىنى ئورىغۇچى قاپ ئورنىدىمۇ ئىشلىتىللىدۇ.

石松 shí sōng