嘌吟

بىئولوگىيە پۇرىن تەركىبىدە تۆت دانە ئازوت ئاتومى بولغان بىر خىل ئارىلاش ھالقىلىق بىرىكمە. پۇرىننىڭ تۇغۇندىلىرىدىن مەسىلەن، ئادېنوپۇرىن، تالوپۇرىنلار رىبونۇكلېئىك كىسلاتانىڭ مۇھىم تەركىبى قىسمى بولۇپ، ئۇلار پۇرىننىڭ 6 - ئورنى ياكى ئىككىنچى ئورنىدىكى كاربون ئاتومىدىكى ھىدروگېننىڭ ئورنىغا ئامىن رادىكالى ياكى كېتون رادىكالىنىڭ ئالمىشىشدىن ھاسىل بولىدۇ. ئۇنىڭدىن باشقا رىبونۇكلېئىك كىسلاتادا يەنە تۈزەشتۈرۈلگەن خىلمۇ خىل پۇرىن ئىشقار رادىكاللىرى، مەسىلەن tRNA نىڭ تەركىبىدە N - مېتىل ئادېنوپۇرىن، 7 - مېتىل گالو پۇرىنلارنىڭ بولىدىغانلىقى بايقالغان. ئالكالويىدلاردىن كوفى ئىشقارى، بەزى ھايۋانلارنىڭ ئاجرىتىپ چىقىرىپ تاشلىغان ماددىلىرىدىن مەسىلەن، سۈيدۈك كىسلاتاسى (ئۇرىك كىسلاتاسى) مۇ پۇرىن تۈرىدىكى بىرىكمىلەرگە كىرىدۇ.