پېچېنەكلەر

佩激涅格人 pèi jī niè gé rén تۈركىي قوۋملارنىڭ بىر تارمىقى. مىلادىن Ⅷ ئەسىردىن Ⅸ ئەسىرگىچە ۋولگا دەرياسى بىلەن ئورال تېغى ئارىلىقىدىكى جايلاردا ياشىغان. Ⅹ ئەسىردە ۋولگا دەرياسىنىڭ تۆۋەن ئېقىمىدىن دۇناي دەرياسى دېلتىسىغىچە بولغان كەڭ رايونلارنى كونترول قىلغان. Ⅹ ئەسىردىن Ⅺ ئەسىرگىچە رۇس ۋە ۋىزانتىيىگە دائىم ھۇجۇم قىلىپ تۇرغان، شۇنىڭ بىلەن بىللە ئىچكى قىسمىدىكى ئۇرۇقداشلىق تۈزۈمى تېز سۈرئەتتە پارچىلانغان. كېيىنكى چاغلاردا ھەر قاسى جايلاردىكى پېچېنەكلەر بارا - بارا شۇ جايدىكى مىللەتلەر بىلەن قوشۇلۇپ كەتكەن.