مورفاكتىن

بىئولوگىيە سۈنئىي سېنتىزلەنگەن ئۆسۈشكە قارشى ماددا، خىمىيىلىك نامى 9 - گىدروكسى فىلۇرېن 9 - كاربوكسى كىسلاتا. مورفاكتىننىڭ فىزىئولوگىيىلىك ئۈنۈمى ئابسىسسىك كىسلاتاغا ئوخشاپ كېتىدۇ. ئۇ ھۈجەيرىنىڭ يىپلىق بۆلۈنۈشىنى تومۇزلايدۇ؛ چوققا بىخنىڭ ئۆسۈشىنى تومۇزلاش بىلەن بىر ۋاقىتتا، قولتۇق بىخنىڭ ھاسىل بولۇشىنى ئىلگىرى سۈرۈپ ئۆسۈملۈك تۈپىنى پاكارلاشتۇرىدۇ ياكى توپلىشىپ ئۆسكەن شەكلىگە كەلتۈرىدۇ. مورفاكتىن ئۇرۇقىنىڭ بىخلىنىشنى تومۇزلايدۇ، مايسىنىڭ يەرگە ئىنتىلىشچانلىق ۋە نۇرغا ئىنتىلىشچانلىقىنى ئۆزگەرتەلەيدۇ. مەسىلەن، ئۇرۇقنى تېرىشتىن بۇرۇن 3- 10 × 6 ئېكۋىۋالېنتلىق مورفاكتىن بىلەن بىر تەرەپ قىلغاندا يىلتىز ۋە غول ۋە يەر مەركىزىنىڭ تارتىش كۈچى بىلەن يوپۇرماقنىڭ تەسىرىنى قوبۇل قىلىش ئىقتىدارىنى يوقىتىپ، ھەر تەرەپكە قاراپ ئۆسىدۇ. ppm 10 - 1 قويۇقلۇقتىكى مورفاكتىننى ئۆسۈۋاتقان ياڭيۇغا چاچسا، ياڭيۇ غولىنىڭ ئۆسۈسىنى كونترول قىلىپ تۈگۈنەك غولىنىڭ ئىشلەپچىقىرىلىش مىقدارىنى ئاشۇرىدۇ. مورفاكتىن دەرەخلەرنى پاكار قىلىپ تەشتەكتە ئۆستۈرۈشكە ئىشلىتىلىدۇ، ئۇنىڭدىن باشقا، ئۇنى گىببېرېللىن بىلەن بىرلەشتۈرۈپ ئىشلەتسە بۇغداينى بالدۇر پىشۇرۇپ مەھسۇلاتنى ئاشۇرىدۇ.