مائاش يېرى تۈزۈمى

禄邑制 lù yì zhì چاۋشيەندىكى سىللا دۆلىتىدىكى يەر تۈزۈملىرىنىڭ بىرى. فېئوداللىق دۆلەت مەمۇرىي ۋە ھەربىي ئەمەلدارلارغا يەرنى ماددىي مائاش ئورنىدا، ئەمەل دەرىجىسىگە قاراپ ئىنئام قىلىپ بەرگەن. مىلادى 687-يىلى (شېنۋېنۋاڭنىڭ 7-يىلى) دىن باشلاپ يولغا قويۇلغان. 689-يىلى (شېنۋېنۋاڭنىڭ 9-يىلى) مائاش يېرى توختىتىلىپ، ئىجارە يىغىشقا ئۆزگەرتىلگەن. 757-يىلى (جىڭدىۋاڭنىڭ 17-يىلى) ئەسلىگە كەلتۈرۈلۈپ، سىللانىڭ ئاخىرقى دەۋرىگىچە داۋاملاشقان.