马玲薯

بىئولوگىيە ياڭيۇ پېدىگەن ئائىلىسىگە كىرىدۇ، ئۇ كۆپ يىللىق سامان غوللۇق ئۆسۈملۈك بولۇپ، ئۆسۈملۈك تېنىدە تۈكچىلەر بولمايدۇ ياكى شالاڭ، يۇمشاق تۈكچىلەر بولىدۇ. يەر ئاستى غولى تۈگۈنەك بولۇپ، يۇمىلاق، تۇخۇمسىمان، ئېللىپسسىمان قاتارلىق شەكىللەردە بولىدۇ، بىخ كۆزى بولىدۇ، پوستى قىزىل، سېرىق، ئاق ياكى بىنەپشە رەڭ بولىدۇ؛ يەر ئۈستى غولى ئازراق ئۈچ قىرلىق بولۇپ، كۆپ شاخلىنىدۇ. تاق سانلىق پەيسىمان مۇرەككەپ يوپۇرمىقى نۆۋەتلىشىپ ئۆسىدۇ؛ ئۇششاق يوپۇرمىقى 6 - 8 جۈپ بولۇپ، ئىككىلا يۈزىدە شالاڭ ئۆسكەن يۇمشاق تۈكچىلەر بولىدۇ. ئۆگزىسىمان گۈل رېتى چوققىدا ئۆسىدۇ؛ گۈل كاسىسى قوڭغۇراقسىمان بولۇپ، سىرتىدا شالاڭ ئۆسكەن يۇمشاق تۈكچىلەر بولىدۇ؛ گۈلتاجى نۇرسىمان، رەڭگى ئاق ياكى كۆكۈش بىنەپشە رەڭ كېلىدۇ. شىرنىلىك مېۋىسى شار شەكىللىك بولۇپ، پىشقاندا كۆپ بولىدۇ. ئۇرۇقى يېسسى يۇمىلاق، سېرىق بولىدۇ. ياڭيۇنىڭ ئەسلى ماكانى جەنۇبىي ئامېرىكا بولۇپ، ھازىر دۇنيانىڭ ھەممىلا يېرىدە ئۆستۈرۈلىدۇ، ياڭيۇنىڭ تۈگۈنەك غولى تەركىبىدە كراخمال مول بولۇپ، ئاشلىق، كۆكتات، سانائەت كراخمالى، ئىسپىرتنىڭ خام ئەشياسى قىلىشقا بولىدۇ. بىخى ۋە مېۋىسى تەركىبىدە نىگىتسادىن بولىدۇ. كۆپىنچە تۈگۈنەك يىلتىزى ئارقىلىق كۆپەيتىلىدۇ.