ماچادو

(1) گېراردو ماچادو (8711 - 1939) كۇبانىڭ زۇڭتۇڭى (1925 - 1933)، مۇستەبىت، 1925 - يىلدىن ئىلگىرى ئىچكى ئىشلار مىنىستىرى، كېڭەش پالاتاسىنىڭ ئەزاسى قاتارلىق ۋەزىپىلەرنى ئۆتىگەن. زۇڭتۇڭ بولغان مەزگىلدە مۇستەبىت ھۆكۈمرانلىقىنى يولغا قويغان، خەلق ھەرىكىتىنى باستۇرغان. كومپارتىيىنى قانۇنسىز پارتىيە دەپ ئېلان قىلىپ، سىرتقا قارىتا ئامېرىكىغا بېقىنغان. دۇنياۋى ئىقتىسادىي كرىزىس بولغان چاغدا مەملىكەت ئىچىدىكى زىددىيەت كەسكىنلىشىپ، خەلق قوزغىلىپ قارشىلىق كۆرسەتكەن. 1933 - يىلى 8 - ئايدا، مەملىكەت بويىچە ئومۇمىي ئىش تاشلاش پارتلىغاندا، چەت ئەلگە قېچىپ كەتكەن، كېيىن ئامېرىكىدا ئۆلگەن. (2) ئانتونئو ماچادو (1875 - 1939) ئىسپانىيىلىك شائىر، دراماتورگ. سېۋىللىدە تۇغۇلغان. مادرىد داشۆسىدە ئوقۇغان. كېيىن فرانسىيىدە ئۇزۇن تۇرغان. 1970 - يىلى ۋەتىنىگە قايتىپ، بىرنەچچە ئالىي مەكتەپتە فرانسۇز تىلى ئوقۇتقان ۋە يېزىقچىلىق بىلەنمۇ شۇغۇللانغان. ئىچكى ئۇرۇش مەزگىلىدە جۇمھۇرىيەت ھۆكۈمىتىنى قوللىغان. 1939 - يىلى فرانسىيىگە بېرىپ، كېسەل بولۇپ ئۆلگەن. ئۇ كاستىرى ئەنئەنىسىگە ئېتىبار بېرىپ، <1898 - يىلىدىكى بىر ئەۋلاد> ئەدەبىيات - سەنئەت ھەرىكىتى بىلەن شۇغۇللانغان بىر ئەۋلاد يازغۇچىلارنىڭ بىرى. ئۇنىڭ لىرىكىلىق شېئىرلىرى مەشھۇر ئىدى. <كاستىرىنىڭ دالىسى>، <ئۇرۇش> قاتارلىق شېئىرلار توپلاملىرى بار. <ماچادو ئەسەرلىرى> مۇ نەشر قىلىنغان.