لىئون

里昂 lǐ áng فرانسىيىنىڭ شەرقىي جەنۇبىغا، رونا دەرياسى بىلەن سوئىن دەرياسىنىڭ قوشۇلغان يېرىگە جايلاشقان مۇھىم سانائەت شەھىرى. ئاھالىسى 457 مىڭدىن ئوشۇق بولۇپ، فرانسىيە بويىچە پارىژ، مارسېل شەھەرلىرىدىن قالسا ئۈچىنچى چوڭ شەھەر ھېسابلىنىدۇ. لىئون يەر ئوتتۇرا دېڭىز رايونلىرىدىن شىمالىي ياۋروپاغا بارىدىغان مۇھىم قاتناش يولى ئۈستىگە جايلاشقان، ئۇنىڭ ستراتېگىيىلىك ئەھمىيىتى ناھايىتى چوڭ، لىئون مىلادىيىدىن بۇرۇنقى 43 - يىلى سېلىنغان، 15 - ئەسىردىن باشلاپ فرانسىيىنىڭ مۇھىم ئىقتىسادىي، مەدەنىيەت، قاتناش مەركىزى بولۇپ، ئۆزىنىڭ يىپەك توقۇمىچىلىق سانائىتى بىلەن دۇنياغا تونۇلغان. ھازىر لىئون شەھىرى ئۆزىنىڭ ئەنئەنىۋى توقۇمىچىلىق سانائىتىدىن سىرت، خىمىيىۋى تالا مەھسۇلاتلىرىنى ئىشلەپچىقىرىش، ماشىنىسازلىق، ئېلېكترون، ئېغىر تىپتىكى ئاپتوموبىل، ھېسابلاش ماشىنىسى قاتارلىق سانائەت مەھسۇلاتلىرى بىلەن فرانسىيە بويىچە ئالاھىدە مۇھىم ئورۇن تۇتىدۇ. لىئون فرانسىيىنىڭ جەنۇبىي قىسمىدىكى مۇھىم سۇ، قۇرۇقلۇق قاتناش تۈگۈنى، بۇ جايدىن يەتتە تارماق تۆمۈر يول دۆلەتنىڭ شىمالىدىكى پارىژغا، شەرقىي جەنۇبتىكى گرېنىۋېل شەھىرىگە، جگنۇبتىكى تۇلون، مارسېل پورتلىرىغا، غەربتىكى نانت، بوردو، تۇلوزا قاتارلىق شەھەرلەرگە تۇتىشىدۇ.

莱昂〈新西〉 lái áng 〈xīn xī 〉Dتارىخ 里昂 lǐ ángDئۇنىۋېرسال 里昂 lǐ áng