لامپۇچكا بىلەن توك سىمى

ئۇيغۇر خەلق مەسەللىرى كۈچلۈك نۇر چېچىپ تۇرغان لامپۇچكا توك سىمىنى ئەيىبلەپتۇ: - سەن نېمىدېگەن ھۇرۇن - ھە! سەن ئەتىگەندىن كەچكىچە سوزۇلۇپ يېتىشنىلا بىلىسەن. مەنچۇ! مەن ھېرىش چارچاشتىن قورقماي، بارلىق كۈچۈمنى چىقىرىپ ئۆينى يورۇتىمەن! سىم بىلەن لامپۇچكىنى تۇتاشتۇرۇپ تۇرغان پاترون مەسخىرە ئارىلاش كۈلۈپ: - ئەي، ماختانچاق لامپۇچكا، سوزۇلۇپ ياتقان مۇشۇ سىم ساڭا توك يەتكۈزۈپ بەرمىگەن بولسا، سەن نۇر چېچىش ئورنىغا، خۇددى بىر ناسۋال قاپاقتەك ساڭگىلاپ تۇرغان بولاتتىڭ، - دەپتۇ. بۇ ئورۇنلۇق سۆزلەر ئالدىدا لامپۇچكا ئېغىز ئاچالماي قاپتۇ.