كۇروپاتكىن

库罗帕特金 kù luó pà tè jīn (1848 - 1925) روسىيلىك گېنېرال پولكوۋنىك. باش شتاب ھەربىي ئىنىستىتۇتىنى پۈتتۈرگەن. 1866 - 1871 ۋە 1875 - 1877 - يىللىرى تۈركىستان ھەربىي رايونىدا خىزمەت ئۆتەپ، ئوتتۇرا ئاسىيانى تالان - تاراج قىلىش ئۇرۇشىغا ئاكتىپ قاتناشقان. روسىيە - تۈركىيە ئۇرۇشى (1877 - 1878) مەزگىلدە شتاب ئوفىتسىرى بولغان، كېيىن باش شتابتا ئۇزۇن ۋاقىت (1883 - 1890)ۋەزىپە ئۆتىگەن. 1898 - 1905 - يىللىرى قۇرۇقلۇق ئارمىيە ۋەزىرى بولغان، ياپونىيە - روسىيە ئۇرۇشى (1904 - 1905) مەزگىلىدە مانجۇرىيىدىكى روسىيە ئارمىيىسىنىڭ باش قوماندانى بولغان. شېنياڭ جېڭىدە (1905 - يىل مارت) مەغلۇپ بولغاندىن كېيىن ۋەزىپىسىدىن قالدۇرۇلغان، ئۇزۇن ئۆتمەي دۆلەت ئىشلىرى كومىتېتىنىڭ ئەزاسى بولغان. بىرىنچى دۇنيا ئۇرۇشى مەزگىلدە شىمال ئۇرۇش سېپىگە قوماندانلىق قىلىپ مەغلۇپ بولغان. 1916 - يىلى تۈركىستاننىڭ باش ۋالىيسى بولۇپ تۇرغاندا ئوتتۇرا ئاسىيادىكى خەلق قوزغىلىڭىنى دەھشەتلىك باستۇرغان. فېۋرال ئىنقىلابىدىن كېيىن قولغا ئېلىنغان، ۋاقىتلىق ھۆكۈمەت تەرىپىدىن قويۇپ بېرىلگەن. كېيىن سەھرادا پىنھان ياشاپ ئۆلۈپ كەتكەن.