库恩

دۇنيا تارىخى كۇن (1886 - 1839) ۋىنگىرىيە كومپارتىيىسىگە ئاساس سالغۇچى. يېزا كاتىپى ئائىلىسىدە تۇغۇلغان. 1902 - يىلى ۋىنگىرىيە سوتسىئال دىموكراتلار پارتىيىسىگە كىرگەن، بۇداپېشت سىتودىنتلىرى ئىچىدە ئىنقىلابى پائالىيەت ئېلىپ بارغان. 1 - دۇنيا ئۇرۇشى مەزگىلىدە مەجبۇرىي ئەسكەرلىككە تۇتۇلغان. 1916 - يىلى ئەسىرگە چۈشۈپ، روسىيەگە ئېلىپ كېلىنگەن، شۇ يىلى تومىسكىدا روسىيە سوتسىئال دىموكراتىك ئىشچىلار پارتىيىسى (بولشېۋىكلار) گە قاتناشقان. ئۇرۇش ئەسىرلىرى ئارىسىدا ئىنقىلابى تەشۋىقات پائالىيىتى ئېلىپ بارغان. 1917 - يىلى، روسىيە ئۆكتەبر ئىنقىلابى ۋە سوۋېت ھاكىمىيىتىنى قوغداش كۆرىشىگە پائال قاتناشقان. 1918 - يىلى 3 - ئايدا، سوۋېت روسىيىسىدە ۋىنگىرىيە كومىنىزىمچى گۇرۇپپىسىنى تەشكىللىگەن، شۇ يىلى 11 - ئايدا ۋىنگىرىيەگە قايىتپ كېلىپ، ۋىنگىرىيە كومپارتىيسىنى قۇرغان. 1919 - يىلى 2 - ئايدا، ۋىنگىرىيە بورژۇئا ھۆكۈمىتى تەرىپىدىن تۇتقىن قىلىنغان. 1919 - يىلىدىكى ۋىنگىرىيە سوۋېت جۇمھۇرىيىتى مەزگىلىدە تاشقى ئىشلار خەلق كومىسسارىياتنىڭ كومىسسارى، ھەربىي ئىشلار خەلق كومىسسارىياتىنىڭ كومىسسارى قاتارلىق ۋەزىپىلەرنى ئۆتىگەن. جۇمھۇرىيەت مەغلۇپ بولغاندىن كېيىن ئاۋسترىيەگە بېرىپ مۇھاجىر بولۇپ تۇرغان. 1920 - يىلى سوۋېت روسىيىسىگە كېلىپ، قىرىم قىزىل ئارمىيىسى جەبۇنىي سەپ ھەربىي ئىشلار كومىتېتىنىڭ ئەزاسى بولۇپ، ئاق گۋاردىيىچىلەرگە قارشى جەڭگە قاتناشقان. 1921 - 1923 - يىللىرى، ئورالدا پارتىيە رەھبەرلىك خىزمىتىنى ئىشلىگەن. 1923 - يىلى، روسىيە كومپارتىيىسى(بولشېۋىكلار) مەركىزىي كومىتېتىنىڭ تاپشۇرۇقى بىلەن، روسىيە كومونىستىك ياشلار ئىتتىپاقى بىرلەشمىسى مەركىزىي كومىتېتىنىڭ پەۋقۇلئاددە ۋەكىلى بولغان. 1921 - يىلىدىن باشلاپ يەنە ۋىنگىرىيە كومپارتىيىسىدە مەىپىي خىزمەت ئىشلەشكە رەھبەرلىك قىلغان ھەمدە كومونىستىك ئىنتېرناتسىئونالنىڭ پائالىيىتىگە ئاكتىپ قاتناشقان. 1928 - يىلى ۋىنادا قولغا ئېلىنىپ، قويۇپ بېرىلگەندىن كېيىن، سوۋېت ئىتتىپاقىغا كېلىپ سىياسىي خىزمەت بىلەن داۋاملىق شوغۇللانغان. 1937 - يىلى جازا ھۆكۈم قىلىنغان، ئۆلگەندىن كېيىن ئۇنىڭ نامى ئەسلىگە كەلتۈرۈلگەن.