كىرىشمەك

ئۇيغۇر تىلى ئۇنۋېرسال سۆزلۈكلەر <كىرمەك> پېئىلىنىڭ ئۆملۈك دەرىجىسى. تەنتەنىلىك بېزەلگەن ئۆيگە ئەر - ئايال مېھمانلار ئارقا - ئارقىدىن كىرىشمەكتە. بىرەر ئىش - ھەرىكەتنى بېجىرىشكە باشلىماق، مەشغۇل بولماق. دىلبەر مېھمانخانىغا كېلىپ ئەتىسى ئەتىگەندىلا ئىشقا كىرىشتى. ئىسسىق، سوغۇق ياكى نەم تەسىرىدىن قىسقارماق (رەخت ھەققىدە). ئۇنىڭ يۇيۇلغان كۆڭلىكى كىرىشىپ قىسقا كېلىپ قالغانىدى. بىر - بىرىگە ھىم يېقىنلىشىپ قاتماق، قېرىشماق. ئالدىراپ كىرىپ چىراغ ياندۇرسام، پەرىدەم كۆزلىرى يېرىم يۇمۇلغان، چىشلىرى كىرىشكەن، مۇشتۇمى چىڭ تۈگۈلگەن ھالدا سارغىيىپ سوزۇلۇپ يېتىپتۇ.