كورولېنكو

柯罗连科 kē luó lián kē (1853 - 1921) روسىيىلىك يازغۇچى. ژىتومىر شەھىرىدە تۇغۇلغان. سودىيە ئائىلىسىدىن كېلىپ چىققان. موسكۋا يېزا - ئىگىلىك ئورمانچىلىق شۆيۈەنىدە ئوقۇغان. 1876 - يىلى ھۆكۈمەت دائىرىلىرىگە قارشىلىق كۆرسەتكەنلىكتىن مەكتەپتىن ھەيدەلگەن. كېيىن بىرنەچچە قېتىم قولغا ئېلىنىپ سۈرگۈن قىلىنغان. سۈرگۈندە يۈرگەن چاغلىرىدە يېزىقچىلىققا كىرىشكەن. <ماكارنىڭ چۈشى>ناملىق ھېكايىسىدە ياكوتىسكىدىكى دېھقانلارنىڭ تۇرمۇشىنى ئەكس ئەتتۈرۈپ، ئىستىبداتلىق تۈزۈمىنىڭ رەھىمسىزلىكىنى قامچىلىغان، <قارىغۇ مۇزىكانت> ناملىق پوۋېستتا، بىر قارىغۇ بالىنىڭ جىسمى مېيىپ بولسىمۇ قەلبى مېيىپ بولماي، ئاخىرى داڭلىق مۇزىكانت بولۇپ يېتىشىپ چىققانلىقى تەسۋىرلەنگەن، <تىل ئۇقۇشماسلىق> ھېكايىسىدە ئامېرىكىغا بارغان ئۇكرائىنالىق بىر دېھقانننىڭ سەرگۈزەشتىلىرى ئارقىلىق كاپىتالىستىك تۈزۈمنىڭ ساختىلىقى بىلەن ۋەھشىيلىكى پاش قىلىنغان. كوروبېنكو ئۆمرىنىڭ ئاخىرلىرىدا يازغان تەرجىمىھالى <زامانداشلىرىم ھەققىدە ھېكايىلەر> (تۆت توم) دا روسىيە زىيالىيلىرىنىڭ بېسىپ ئۆتكەن يوللىرى بايان قىلىنغان.