كىچىك ئىت يۇلتۇز تۈركۈمى

خىلمۇ خىل يۇلتۇزلار كىچىك ئىت يۇلتۇز تۈركۈمى جەۋزا يۇلتۇز تۈركۈمىنىڭ جەنۇبىغا، چوڭ ئىت يۇلتۇز تۈركۈمىنىڭ شىمالىغا، سامانيولىنىڭ چېتىگە جايلاشقان. كىچىك ئىت يۇلتۇز تۈركۈمى ھەقىقەتەنمۇ كىچىك يۇلتۇزلار تۈركۈمى بولۇپ، ئۇنىڭدا ئاددىي كۆز بىلەن كۆرگىلى بولىدىغان يۇلتۇزلار ئىنتايىن ئاز. بىراق بۇ يۇلتۇز تۈركۈمىدىكى كىچىك ئىت α يۇلتۇز (ئېلىمىزدە پروتسىئون دەپ ئاتىلىدۇ)1 - دەرىجىلىك يورۇق يۇلتۇز ھېسابلىنىدۇ. پروتسىئون بىلەن ئورىئون α(بېتېلگېيز) ۋە چوڭ ئىت α (سىرىئۇس) قاتارلىقلار بىرلىشىپ تەڭ تەرەپلىك بىر ئۈچبۇلۇڭنى ھاسىل قىلىپ، قىشنىڭ كېچە ئاسمىنىدا كۆزگە ناھايىتى ئېنىق چېلىقىپ تۇرىدۇ، بۇ دەل بىز دائىم تىلغا ئالىدىغان مەشھۇر بولغان «قىش پەسلىدىكى چوڭ ئۈچبۇلۇڭ» دۇر. قەدىمكى يۇنان ئەپسانىلىرىدە ئېيتىلىشىچە، ئاسمان ئىلاھى زېئۇس سىلۋۇس (چوڭ ئىت يۇلتۇز تۈركۈمى) نىڭ ئاسماندا غېرىبانە ياشىماسلىقى ئۈچۈن، بىر كىچىك ئىتنى ئۇنىڭغا ھەمراھ قىلىپ قويغانىكەن. بۇ كىچىك ئىت دەل كۆزنى قاماشتۇرۇپ تۇرىدىغان چوڭ ئىت يۇلتۇز تۈركۈمىنىڭ شىمالىدا كۆرۈنىدىغان كىچىك ئىت يۇلتۇز تۈركۈمىدۇر. ئۇ سىلۋۇس بىلەن بىللە خوجايىنى ئورىئوننىڭ كەينىدىن يۈگۈرۈپ يۈرىدىكەن.