يېشىل لايىھە

دۇنيا تارىخى 绿色方案 lǜ sè fāng àn فاشىستلار گېرمانىيىسىنىڭ چېخوسلوۋاكىيىنى ئىشغال قىلىش ھەربىي پىلانىنىڭ شەرتلىك بەلگىسى. گېرمانىيىنىڭ دۆلەت مۇداپىئە مىنسىتىرى، قوشۇمچە دۆلەت مۇداپىئە ئارمىيىسىنىڭ باش قوماندانى بلومبېرگ گىتلېرنىڭ پەرمانىغا ئاساسەن، 1937 - يىلى 6 - ئايدا، ئۆزىنىڭ بۇيرۇقىدا تۇنجى قېتىم ئوتتۇرىغا قويغان. شۇ يىلى 12 - ئايدا مۇزاكىرە قىلىنغاندىن كېيىن، گىتلېر تەرىپىدىن تەستىقلانغان. گېرمانىيە 1938 - يىلى باھاردا ئاۋسترىيىنى يۇتۇۋالغاندىن كېيىن، گېرمانىيە ئارمىيىسى ئەڭ ئالىي قوماندانلىق شتابىنىڭ باشلىقى كېتېل بۇ لايىھە ھەققىدىكى يېڭى بۇيرۇقىنى تۈزۈپ چىققان، 5 ـ ئاينىڭ 30 - كۈنى گىتلېر تۈزىتىپ ئىمزا قويغاندىن كېيىن، ئۈچ ئارمىيىنىڭ باش قوماندانىغا ئەۋەتىلگەن. بۇيرۇقتا <يېقىن كەلگۈسىدە ھەربىي ھەرىكەت ئارقىلىق چېخوسلوۋاكىيىنى تارمار قىلىش>؛ <ئىغۋاگەرچىلىك ۋەقەسى ئارقىلىق چاقماق شەكلىدە ھۇجۇم قوزغاش>، <تۇيۇقسىز ھۇجۇم قىلىشتىن تولۇق پايدىلىنىش>؛ گېرمانىيە ئارمىيىسى چوقۇم 10 - ئاينىڭ 1 - كۈنىدىن بۇرۇن بېسىپ كىرىش تەييارلىقىنى پۈتتۈرۈپ بولۇش بەلگىلگەن. يەنە سىياسىي، دىپلوماتىيە ۋە تەشۋىقات قاتارلىق جەھەتلەردىكى تەدبىرلەر ھەققىدە مۇناسىپ بەلگىلىمە چىقىرىلغان.