يېلاچىچ

دۇنيا تارىخى 耶拉契希 yē lā qì xī (1801 - 1859) كىرودىيە گېنېرالى. گىراف. 1819 - يىلى ۋېنا قۇرۇقلۇق ئارمىيە ئۇنىۋېرسىتېتى پۈتتۈرگەن. ئاۋسترىيە ئارمىيىسىدە ۋەزىپە ئۆتىگەن. 1841 - يىلى پولكوۋنىك ئۇنۋانىغا ئېرىشكەن، 1848 - يىلى گېنېراللىققا ئۆستۈرۈلگەن. كىرودىيە مىللىي ھەرىكىتى ئەۋج ئالغاندىن كېيىن ھەرىكەتكە قاتنىشىپ، ئوڭ قاناتلارغا تەۋە بولغان. 1848 - يىلى ئاۋسترىيە ھۆكۈمىتى تەرىپىدىن باش ۋالىي قىلىپ تەيىنلىنىپ، كىرودىيىدىكى ئارمىيىگە قوماندانلىق قىلغان. 4 - ئايدا يانچىلارنىڭ بېقىندىلىق مۇناسىۋىتىنى بىكار قىلىش خىتابنامىسىنى ئېلان قىلىپ، پومېشچىكلارنىڭ ئەرز - شىكايەت تەرتىپىنى ئەمەلدىن قالدۇرغان. ۋېنگرىيە ھۆكۈمىتى كىرودىيىنىڭ مىللىي ئاپتونومىيە تەلىپىنى رەت قىلغان چاغدا، ئاۋسترىيە خاندانلىقى تەرىپىدىن پايدىلىنىپ كېتىلگەن. 9 - ئايدا 40 مىڭ كىشىلىك كىرودىيە ئارمىيىسىنى باشلاپ دراۋا دەرياسىدىن ئۆتۈپ، ۋېنگرىيە ئىنقىلابىي ۋە ۋېنا ئۆكتەبر قوزغىلىڭىنى باستۇرۇشقا قاتناشقان ھەمدە كىرودىيە دېھقانلار ھەرىكىتىنى ئۇجۇقتۇرۇپ، ھابىسبۇرگ خاندانلىقىنىڭ مىللىي زۇلۇم سىياسىتىنى ئىجرا قىلغان.