ياندى

تۈركىي تىللار دىۋانى سۆزلۈكلىرى ياندى، قايتتى؛ قورقۇتتى؛ قۇستى، ياندۇردى. ئەر يولدان ياندى _ ئادەم يولدىن ياندى، يەنى قايتتى. باشقىلاردىمۇ شۇنداق. بەگ ئۇنى قورقۇتتى. باشقىلاردىمۇ شۇنداق. ماقالدا مۇنداق كەلگەن: يالىڭۇق مەڭگۈ تىرىلمەس سىنقا كىرۈپ كېرۈ يانماس _ كىشى مەڭگۈ ياشىماس، گۆرگە كىرسە ئارقىغا يانماس. ئوت ياندى _ ئوت ياندى. بۇ سۆز «ل _ L» بىلەنمۇ ئېيتىلىدۇ. ئەر ياندى _ ئادەم ياندۇردى، يەنى قۇستى ( يانار _ يانماق). شېئىردا مۇنداق كەلگەن: ياندى ئەرىنچ ئوغراغى كەلدى بەرۈ تىغراغى ئۆزى قۇيى ئوغراغى ئالپلار قامۇغ تىركەشۈر «نىيىتىدىن يانغان بولسا كېرەك، ئۇنىڭ ئەلچىسى بېرى كەلدى؛ ئۆزى ۋادىنىڭ ئىچكىرىسىدە، يىگىتلەرنىڭ ھەممىسى توپلانماقتا.» دۈشمەننى تەسۋىرلەپ شۇنداق دەيدۇ: ئۇ نىيىتىدىن يانغان بولۇشى كېرەك، چۈنكى ئۇنىڭ خەۋەرچىسى كەلدى؛ ئۇ ۋادىنىڭ ئىچكىرىسىدە تۇرماقتا، باتۇرلار جەڭ قىلىش ئۈچۈن توپلىنىۋاتىدۇ. قىپچاقچە. 3 - 87