ياگېللو

دۇنيا تارىخى 亚盖洛 yà gài luò (تەخمىنەن 1348 - 1434) لىتۋا كىنەزى (1377 - يىلدىن باشلاپ)، پولشا كورۇلى (1386 - 1434). تېۇتون رىتسارلار پولكىنىڭ تاجاۋۇزىغا بىرلىشىپ قارشى تۇرۇش ئۈچۈن، 1385 - يىلى پولشا كورۇلى بىلەن <كرېۋو بىرلىشىش شەرتنامىسى> نى ئىمزالىغان شەرتنامىگە ئاساسەن، ياگېللو كاتولىك دىنىغا ئېتىقاد قىلىپ، پولشانىڭ كورۇلىۋاسى يادۋىگانى نىكاھىغا ئالغان، ئىككىنچى يىلى پولشانىڭ پادىشاھلىق تاجىنى كىيىپ، ۋلادىسلاۋ Ⅱ دەپ ئاتالغان. لىتۋا پولشاغا قوشۇۋېتىلىپ، ياگېللو خاندانلىقى قۇرۇلغان. ۋىتولد (1350 - 1430) باشچىلىقىدىكى لىتۋا فېئوداللىرى بىرلىشىشكە قارشى تۇرغان. 1392 - يىلى ياگېللو ۋىتولدىنى لىتۋانىڭ كىنەزى دەپ ئېتىراپ قىلىشقا مەجبور بولغان، لېكىن ۋىتولد نامىدا يەنىلا پولشا پادىشاھلىقىغا بويسۇنىدىغان بولغان. 1410 - يىلى 7 - ئايدا ياگېللو پولشا، لىتۋا ۋە روسىيە بىرلەشمە ئارمىيىسىنى باشلاپ، گرۇنۋارد جېڭى (تاننېنبېرگ جېڭى دەپمۇ ئاتىلىدۇ) دە، تېۇتون رىتسارلار پولكىنى ئېغىر تالاپەتكە ئۇچراتقان.