Uyghurئاساسىي لۇغەت
ھاقارەتلەش جىنايىتى
جىنايەت ۋە جازا
بۇ - زورلۇق ئىشلىتىش ئۇسۇلى ياكى باشقا ئۇسۇللار بىلەن باشقىلارنى ئوچۇقتىن ئوچۇق ھاقارەتلىگەن، ئىززەت - ھۆرمىتىنى سۇندۇرغان، نام - ئابرۇيىنى بۇلغىغان ئېغىر قىلمىشنى كۆرسىتىدۇ.
1. ئوبيېكتى - باشقىلارنىڭ كىشىلىك ئىززىتى ۋە نام - ئابرۇيى بولىدۇ.
2. ئوبيېكتىپ جەھەتتە زورلۇق كۈچ ئىشلىتىش ياكى باشقا ئۇسۇللار بىلەن باشقىلارنى ئوچۇقتىن - ئوچۇق ھاقارەتلىگەن ئېغىر قىلمىش بولۇپ ئىپادىلىنىدۇ.
3. سۇبيېكتى - ئادەتتىكى سۇبيېكت بولىدۇ.
4. سۇبيېكتىپ جەھەتتە قەستەنلىكتىن، شۇنداقلا باشقىلارنىڭ ئىززەت - ھۆرمىتىنى سۇندۇرۇش، نام - ئابرۇيىنى چۈشۈرۈشنى مەقسەت قىلغان بولىدۇ.
246 - ماددا زورلۇق ئىشلىتىش ئۇسۇلى ياكى باشقا ئۇسۇللار بىلەن باشقىلارنى ئوچۇقتىن - ئوچۇق ھاقارەتلىگەن ياكى پاكىت ئويدۇرۇپ باشقىلارغا تۆھمەت قىلغانلاردىن قىلمىشى ئېغىر بولغانلىرىغا ئۈچ يىلدىن تۆۋەن مۇددەتلىك قاماق جازاسى، تۇتۇپ تۇرۇپ ئەمگەككە سېلىش جازاسى، رېجىم جازاسى ياكى سىياسىي ھوقۇقىدىن مەھرۇم قىلىش جازاسى بېرىلىدۇ.
ئالدىنقى تارماقتىكى جىنايەت ئۈستىدە دەۋا قىلىنغانلىرىلا سورىلىدۇ. لېكىن جەمئىيەت تەرتىپىگە ۋە دۆلەت مەنپەئىتىگە ئېغىر زىيان يەتكۈزگەنلىرى بۇنىڭ سىرتىدا.
98 - ماددا بۇ قانۇندا ئېيتىلغان دەۋا قىلىنغاندىلا سوراش زىيانكەشلىككە ئۇچرىغۇچى دەۋا قىلغاندىلا سوراشنى كۆرسىتىدۇ. زىيانكەشلىككە ئۇچرىغۇچى زورلۇق ۋە تەھدىتكە ئۇچراپ دەۋا قىلالمىغان بولسا، خەلق تەپتىش مەھكىمىسى ۋە زىيانكەشلىككە ئۇچرىغۇچىنىڭ يېقىن تۇغقانلىرى دەۋا قىلسىمۇ بولىدۇ.
مەملىكەتلىك خەلق قۇرۇلتىيى دائىمىي كومىتېتىنىڭ <ئىنتېرنېت تورى بىخەتەرلىكىگە ئائىت قارارى>
(2000 - يىل 12 - ئاينىڭ 28 - كۈنى)
4. شەخس، قانۇنىي ئىگە ۋە باشقا تەشكىلنىڭ جىسمانىي، مال - مۈلۈك قاتارلىق قانۇنلۇق ھوقۇقلىرى قوغدىلىدۇ. تۆۋەندىكى قىلمىشلارنىڭ بىرىنى سادىر قىلىپ جىنايەت سادىر قىلغانلارنىڭ جىنايى ئىشلار قانۇنىنىڭ ئالاقىدار بەلگىلىمىسى بويىچە جىنايى ئىشلار جاۋابكارلىقى سۈرۈشتۈرۈلىدۇ:
1( ئىنتېرنېت تورىدىن پايدىلىنىپ باشقىلارغا ھاقارەت كەلتۈرگەن ياكى پاكىتنى ئاستىن - ئۈستىن قىلىپ باشقىلارغا تۆھمەت قىلغانلار؛
6) ئىنتېرنېت تورى ئارقىلىق باشقىلارنىڭ قانۇنلۇق ھوقۇقلىرىغا دەخلى - تەرۇز قىلىپ، ھەق تەلەپ ئىشلىرى ھوقۇقىغا دەخلى - تەرۇز قىلغانلار قانۇن بويىچە ھەق - تەلەپ جاۋابكارلىقىنى ئۈستىگە ئالىدۇ.
ئالىي خەلق سوت مەھكىمىسىنىڭ قانۇنسىز نەش بۇيۇمى جىنايى ئىشلار دېلولىرىنى سوت قىلىشتا قانۇننى كونكرېت تەتبىقلاشتىكى بەزى مەسىلىلەر توغرىسىدىكى ئىزاھاتى
(1998 - يىل 12 - ئاينىڭ 17 - كۈنى)
6 - ماددا نەشر بۇيۇمىدا باشقىلارنى ئوچۇقتىن - ئوچۇق ھاقارەتلىگەن ياكى پاكىت ئويدۇرۇپ باشقىلارغا تۆھمەت قىلغانلاردىن قىلمىشى ئېغىر بولغانلارغا جىنايى ئىشلار قانۇنىنىڭ 246 - ماددىسىدىكى بەلگىلىمىگە بىنائەن، ھاقارەتلەش جىنايىتى ياكى تۆھمەت قىلىش جىنايىتى بويىچە جىنايەت بېكىتىپ جازا بېرىلىدۇ.
