گۈل يېپىنچىسى

بىئولوگىيە گۈل كاسىسى بىلەن گۈلتاجىنىڭ ئومۇمىي نامى. گۈل يېپىنچىسى ئىككى قۇر بولۇپ، گۈل كاسىسى بىلەن گۈلتاجىغا ئايرىلغان گۈل ئىككى يېپىنچلىق گۈل دەپ ئاتىلىدۇ. مەسىلەن، قىچا، كۆپ پۇرچاق، شاپتۇل، كاۋا. پەقەت بىر قۇرلا گۈل يېپىنچىسى بولغان گۈل تاق يېپىنچلىق گۈل دەپ ئاتىلىدۇ. مەسىلەن، كەندىر، ئۈجمە، ئاق كەندىر. گۈلتاجىغا ئوخشايدىغان يالغۇز بىر قۇرلا گۈل يېپىنچىسى بولغان گۈللەرمۇ بولىدۇ. مەسىلەن، قارا بۇغداي. گۈل يېپىنچىسى بولمىغان گۈل يېپىنچسىز گۈل دەپ ئاتىلىدۇ. مەسىلەن، تېرەك، سۆگەت، كاۋاۋىچىن، ئېۋكوممىيە دەرىخى قاتارلىقلار.