فېئودال سوتسىيالىزم

دۇنيا تارىخى زاۋاللىققا يۈز تۇتقان فېئودال ئاقسۆڭەكلەرنىڭ مەنپەئىتىگە ۋەكىللىك قىلىدىغان بىر خىل ئىجتىمائىي پىكىر ئېقىمى. 19 - ئەسىرنىڭ 30 - ۋە 40 - يىللىرى فرانسىيە، ئەنگلىيە قاتارلىق دۆلەتلەردە تارقالغان. فرانسىيىدىكى ۋىللېنېۋي - بارگېمونت (1784 - 1850) قاتارلىقلارنى ئاساسلىق ۋەكىل قىلغان. ئۇلار سوتسىيالىزم ۋىۋىسكىسىنى ئېسىۋېلىپ، يالغاندىن ئىشچىلار مەنپەئىتىنى قوغدىغان قىياپەتكە كىرىۋېلىپ، فېئودال ئاقسۆڭەكلەرنىڭ مەيدانىدا تۇرۇپ، كاپىتالىزمغا زەربە بېرىش ئارقىلىق فېئودال تۈزۈمنى گۈزەللەشتۈرگەن، فېئوداللىق ئېكسپىلاتاتسىيىنى كاپىتالىستىك ئېكسپىلاتاتسىيدىن ياخشى، ئىشچىلار تۇرمۇشىنىڭ نامراتلىشىپ كېتىشى فېئوداللىق سۇلالىنىڭ ئاغدۇرۇلۇپ كېتىشىنىڭ نەتىجىسىدىن بولغان، دېگەننى تەرغىپ قىلغان. ھەدەپ فېئودال ئىستىبداتلىق ھاكىمىيەت <دۇنيانى نىجاتلىققا ئېرىشتۈرىدۇ> ۋە جەمئىيەتنى <سوتسىيالىزم> غا باشلايدۇ، دەپ جار سالغان. ئەكسىيەتچىل سىياسىي مەيداندا چىڭ تۇرۇپ، بۇرژۇئازىيە ھۆكۈمرانلىقى ئىنقىلابىي پرولېتارىياتنى پەيدا قىلغان، دەپ ئەيىبلىگەن ھەمدە بۇرژۇئازىيەنىڭ پرولېتارىياتنى باستۇرۇشتىكى قولچۇماق بولغان. ئەمەلىيەتتە ئاغدۇرۇلغان فېئودال ئاقسۆڭەكلەرنىڭ قايتا تىرىلش ئارزۇسىنى ئەكس ئەتتۈرگەن.