مىخائېل

دۇنيا تارىخى (839 - 876) مىكائېل Ⅲ دەپمۇ تەرجىمە قىلىنغان. ۋىزانتىيە ئىمپېرىيىسىنىڭ ئىمپېراتورى (842 - 867). يېشىغا توشماي تەختكە چىققان. مىلادى 856-يىلىدىن ئاۋۋال ئۇنىڭ ئاپىسى تېئودورا (؟ - 786) نائىب بولغان. تەختتىكى مەزگىلىدە <بۇتقا چوقۇنۇش> (<بۇت چېقىش ھەرىكىتى> گە قارالسۇن) نى ئەسلىگە كەلتۈرگەن. 860-يىلى روس ئارمىيىسىنىڭ كونستانتىنوپولغا قىلغان ھۇجۇمىنى چېكىندۈرگەن. 861-يىلى بۇلغارىيىنى ئىستېلا قىلىپ، ئۇنىڭ پادىشاھىنى خرىسىتان دىنىغا ئېتىقاد قىلىشقا مەجبۇر قىلغان. 863-يىلى كىچىك ئاسىيادا ئەرەبلەرنى مەغلۇپ قىلىپ، ئېفرات دەرياسىغىچە قوغلاپ بارغان. 867-يىلى ئۆزىنىڭ يېقىنقى باسېل Ｇ تەرىپىدىن ئۆلتۈرۈلگەن. دۇنيا تارىخى (1234 - 1282) نىسېيە ئىمپېرىيىسى ئىمپېراتورى (1260 - 1261)، ۋىزانتىيە ئىمپېراتورى (1261 - 1282)، پالېئولوگ خاندانلىقىغا ئاساس سالغۇچى. 1258-يىلى ۋېزانتىيە ئىمپېراتورى يۇئان Ⅳ (تەخمىنەن 1250 - 1300) كە نائىب بولغان. 1260-يىلى ئۆزىنى ئىمپېراتور قىلىپ تىكلەپ، ئۇنىڭ بىلەن بىرگە ھاكىمىيەت باشقۇرۇپ كەلگەن. ھاكىمىيەت بېشىدا تۇرغان دەسلەپكى مەزگىلىدە، گرېكلارنىڭ قوللىشىغا تايىنىپ ھەمدە گېنويەنىڭ ياردىمىدىن (گېنويىلىكلەرنى ئىمپېرىيە دائىرىسىدە سودا ئىمتىيازىدىن بەھرىمەن قىلىش شەرتى بىلەن) پايدىلىنىپ، لاتىن ئىمپېرىيىسى بىلەن داۋاملىق كۈرەش ئېلىپ بارغان. 1261-يىل 7-ئاينىڭ 25-كۈنى كونستانتىنوپولنى ئېلىپ، لاتىن ئىمپېرىيىسىنى ئاغدۇرۇپ تاشلاپ، ۋىزانتىيە ئىمپېرىيىسىنى ئەسلىگە كەلتۈرگەن. شۇ يىلى يۇئان Ⅳ نى رەسمىي بىكار قىلغان.