ئارتۇقچىلىق بىلەن كەمچىلىك

ئۇيغۇر خەلق مەسەللىرى ئارتۇقچىلىق كەمچىلىكتىن: - سېنىڭ ھاياتىڭدا ئەڭ ياخشى كۆرىدىغان نەرسەڭ نېمە؟ - دەپ سورىدى. - مېنىڭ ياخشى كۆرىدىغىنىم، كىچىكلىتىپ كۆرسىتىش ئەينىكى، ئۇ خىل ئەينەك قانچە ھەسسە كىچىكلىتىپ كۆرسەتسە، شۇنچە ياخشى، - دېدى كەمچىلىك، ئۇ ئارقىدىنلا ئارتۇقچىلىقتىن: - سەن ھەر قاچان چوڭايتىپ كۆرسەتكۈچى ئەينەكنى ياخشى كۆرىسەنغۇ، - دەپ سورىدى. - ياق، نەتىجە قازانغاندا كۆپتۈرۈپ كۆرسىتىش ئارتۇقچىلىق ھېسابلانمايدۇ، - دەپ جاۋاب بەردى ئارتۇقچىلىق.