چاچ بالدۇر ئاقىرىش

ئۇيغۇر تېبابىتىدە داۋالاش سەۋەبى: بۇ كېسەللىك، 50 ياشقا يەتمىگەن كىشىلەردە كۆرۈلىدىغان ئىچكى ۋە تاشقى تەسىردىن خىلىتلاردا ئۆزگىرىش پەيدا بولۇپ، قاننىڭ تۇزلۇق تەرەپكە مايىل بولۇپ قېلىشى ۋە ئوزۇقلۇقنىڭ يېتىشمەسلىكى ياكى ئىسسىقلىقنىڭ زىيادە ئېشىپ كېتىشى، ھەزىم قىلىشنىڭ ناچارلىشىشى، ھەددىدىن زىيادە چارچاش، روھىي زەربە، غەم - قايغۇ، ھاياجانلىنىش، ئىچىملىك ۋە چېكىملىكلەر بىلەن كۆپ شۇغۇللىنىش، قالايمىقان جىنسىي مۇناسىۋەت ئۆتكۈزۈش قاتارلىقلار سەۋەبلەردىن كېلىپ چىقىدۇ. ئالامىتى: چاچ ۋە ساقالنىڭ تېخى ئاقىرىش يېشىغا يەتمەي تۇرۇپلا مەزگىلسىز ئاقىرىپ قېلىشى بىلەن ئىپادىلىنىدۇ. 1 - رېتسېپ 】تەركىبى【 ياڭاق مېغىزى 250 گرام، قارا كۈنجۈت 250 گرام، قارا شېكەر 500 گرام، سۇ مۇۋاپىق مىقداردا. 】تەييارلاش ئۇسۇلى【 قارا شېكەرنى سۇدا قاينىتىپ، ياڭاق مېغىزى ۋە قارا كۈنجۈتنى قورۇپ، چۈچۈتۈلگەن قىچا مېيىنى تۆكۈلگەن تۈنكە لېگەنگە تۆكۈپ، يېيىتىپ قۇرۇتۇپ، ئاندىن ماشدەك پارچىلاپ تەييارلىنىدۇ. 】ئىشلىتىش مىقدارى【 كۈنىگە ئىككى قېتىم، ھەر قېتىمدا 3 ~ 5 تالدىن ئىستېمال قىلىنىدۇ. 2 - رېتسېپ 】تەركىبى【 ھېلىلە، بەلىلە، ئامىلە، نېلۇپەر يىلتىزى تەڭ مىقداردا، شېكەر قومۇش مۇۋاپىق مىقداردا. 】تەييارلاش ئۇسۇلى【 شېكەر قومۇشتىن دورىلارنى ئايرىم - ئايرىم سوقۇپ ئارىلاشتۇرۇپ، شېكەر قومۇشنىڭ سۈيىنى چىقىرىپ، سۈيىگە دورىلارنى سېلىپ، تۆمۈر قاچىغا قاچىلاپ 40 كۈن يەرگە كۆمۈپ تەييارلىنىدۇ. 】ئىشلىتىش مىقدارى【 كۈنىگە بىر قېتىم چاچقا سۈرتۈلىدۇ. 3 - رېتسېپ 】تەركىبى【 لىمون سۈيى، ئاق قىچا يېغى، كۈنجۈت يېغى، ئامىلە يېغى، زەيتۇن يېغى، سىيادان يېغى تەڭ مىقداردا. 】تەييارلاش ئۇسۇلى【 دورىلارنى ئارىلاشتۇرۇپ تەييارلىنىدۇ. 】ئىشلىتىش مىقدارى【 كۈنىگە بىر قېتىم يەرلىك ئورۇنغا سىرتتىن چېپىلىدۇ.