北德意志联邦

دۇنيا تارىخى شىمالىي گېرمانىيە ئىتتىپاقى پروسسىيە - ئاۋسترىيە ئۇرۇشىدىن كېيىن ماين دەرياسىنىڭ شىمالىدىكى گېرمان شتاتلىرىنىڭ پرۇسسىيە باشچىلىقىدا قۇرغان ئىتتىپاقى. 1866 - يىل 8 - ئاينىڭ 4 - كۈنى، بىسمارك پرۇسسىيە ھۆكۈمتىگە ۋەكالىتەن شىمالىي گېرمانىيىدىكى ھەرقايسى شتاتلارغا گېرمانىيە ئىتتىپاقىنى قۇرۇش تەكلىپىنى بەرگەن. 18گېرمان شتاتى ۋە ئۈچ ئەركىن شەھەر (گامبۇرگ، بېرمېن ۋە لۇبېك) ئىتتىپاق تۈزۈش شەرتنامىسىنى ئىمزالىغان. 9 - 10 - ئايلاردا يەنە تۆت شتات قاتناشقان. 12 - ئايدا شتاتلار ۋە ئەركىن شەھەرلەرنىڭ ۋەكىللىرى بېرلىنداشىمالىي گېرمانىيە ئىتتىپاقىنىڭ ئاساسىي قانۇن - لايىھىسىنى تۈزۈپ چىقىپ، 1867 - يىلى 4 - ئايدا ماقۇللىغان (7 - ئاينىڭ 1 - كۈنىدىن باشلاپ رەسمىي كۈچكە ئىگە بولغان). ئاساسىي قانۇنغا بىنائەن، ئىتتىپاققا ئىككى پالاتا تۈزۈمىدىكى پارلامېنت - ئىمپېرىيە پارلامېنتى بىلەن ئىتتىپاق پارلامېنتى قۇرۇلغان. يەنە پرۇسسىيەنىڭ گېرمانىيىدىكى ھۆكۈمرانلىق ئورنى بېكىتىلگەن، پرۇسسىيە پادىشاھى ئىتتىپاقىنىڭ مىراس قالىدىغان دۆلەت باشلىقى ۋە ئالىي ھەربىي قوماندانى بولۇپ، دىپلوماتىيە، ھەربىي ئىشلار قاتارلىق چوڭ ھوقۇقلارنى ئىگىلىگەن، پرۇسسىيە باش ۋەزىرى ئىتتىپاق ھۆكۈمتىنىڭ باش ۋەزىرى بولۇپ، پەقەت ئىتتىپاق باشلىقى ئالدىدىلا جاۋابكار بلىدىغان، پارلامېنتقا جاۋابكار بولمايدىغان بولغان. 1867 - يىلى يەنە باۋارىيە، ۋۇرتتېمبېرگ، بادېئى، ھېسېن - دارمىشىتادت قاتارلىق جەنۇبىي گېرمانىيە شتاتلىرى بىلەن ھەربىي كېلىشىم تۈزگەن سە زىچ ئىقتىسادىي ئالاقە ئورناتقان. 1871 - يىلى گېرمانىيە ئىمپېرىيىسى قۇرۇلغاندىن كېيىن، بۇ ئىتتىپاق مەۋجۇت بولمىغان.