باسال دانىچىسى

بىئولوگىيە ستوپلازمىدىكى بىر خىل ھۈجەيرە ئاپپاراتى بولۇپ، قامچا تۈك ۋە كىرپىك تۈكچىلەرنىڭ ئاساسىي قىسمىغا جايلاشقان. ئاددىي ھايۋاناتلاردىن ئىنفۇزۇرىيىلەردە باسال كىچىك تەنچىسى، باسال تەنچىسى ياكى ھەرىكەتچان تەنچە دەپ، ئاددىي ھايۋاناتلاردىن قىل ئاياغلىقلاردا تۈك ئۆسكۈچى تەنچە دەپ ئاتىلىدۇ. باسال دانىچىسىنىڭ ئوتتۇرىسى كاۋاك سىلىندىرسىمان بولۇپ، دىئامېترى تەخمىنەن 100 مىللىمىكرون كېلىدۇ، سىلىندىرنىڭ ئەتراپىنى توققۇز تال تالا (ئەتراپ تالالىرى) ئوراپ تۇرىدۇ، مەركىزىي تالاسى بولمايدۇ. ئەتراپ تالالىرىمۇ ئۈچ بىرلەشمە تەنچىدىن ئىبارەت بولۇپ، سۇپ يىپچە A، سۇپ يىپچە B، سۇپ يىپچە C لاردىن ئىبارەت ئۈچ مىكرو نەيچىدىن تۈزۈلىدۇ، ئۆزىنى ئۆزى نۇسخىلىيالايدۇ، كىرپىك تۈك ۋە قامچا تۈكلەردە پەيدا بولىدۇ. <مەركىزىي دانىچە> گە قاراڭ.