—مەنبە
بالىلارنىڭ ئېغىز بوشلۇقىنى قانداق ئاسراش كېرەك؟
نېمە ئۈچۈن
بالىلارتەخمىنەن بىر يېرىم ياشقا كىرگەندە، سەككىز تالدىن 12 تالغىچە سۈت چىشى چىقىپ بولىدۇ. ھەرگىزمۇ بۇ چىشنى تۇراقلىق چىش ئەمەس دەپ قاراپ، ئېغىز بوشلۇقىنى ئاسراشقا سەل قارىماسلىقى كېرەك. چۈنكى بالىلارنىڭ سۈت چىشى ياخشى ئاسرالمىسا، چىشقا ناھايىتى ئوڭاي قۇرت چۈشۈپ، خىلمۇخىل چىش كېسەللىكىنى پەيدا قىلىدۇ. بۇ خىل چىش كېسەللىكلىرى بالىنىڭ چايناش ئىقتىدارىغا تەسىر كۆرسىتىدۇ. ئېغىر بولغاندا تۇراقلىق چىشنىڭ چىقىشىغا تەسىر يېتىدۇ شۇنداقلا باشقا كېسەللىكنىڭ پەيدا بولۇشنىڭ ئاساسىي مەنبەسى بولۇپ قالىدۇ. شۇڭا، بالىلارغا چىش چوتكىلاشنى ئۆگەتكەندىن سىرت، بالىلارغا ياردەملىشىپ ئېغىز بوشلۇقىنى ئاسراش پائالىيىتىنى ئېلىپ بېرىشى كېرەك.
1. ئادەتتە بالىلارغا تاتلىق نەرسىلەرنى، بولۇپمۇ زىيادە تاتلىق، يېپىشقاق نەرسىلەرنى ئاز بېرىش كېرەك.
2. ھەر قېتىملىق تاماقتىن ياكى مېۋە يېگەندىن كېيىن بالىلارغا بىرقانچە يۇتۇم قايناق سۇ ئىچكۈزۈپ، ئېغىز بوشلۇقىنى تازىلاش كېرەك.
3. ھەر كۈنى ئۇخلاشتىن بۇرۇن پاكىز پاختا، يىپەك رەخت ئارقىلىق بالىنىڭ چىشىنىڭ ئەتراپىنى تازىلاش كېرەك
