阿皮亚

ئاپپىيە (1862 - 1928) شۋېتسارىيە سەھنە دىكوراتورى. جەنۋەدە تۇغۇلغان. دەسلەپتە مۇزىكا ئۆگەنگەن، كېيىن گېرمانىيە، ئاۋسترىيىدە تىياتىر ئۆگەنگەن. ۋاگنىر ناخشا - ئۇسسۇللۇق درامىسىنىڭ سەھنە دىكوراتسىيە لايىھىسىنى تىرىشىپ تەتقىق قىلغان. شۋېتسارىيە، گېرمانىيە، فرانسىيە ۋە ئىتالىيە قاتارلىق دۆلەتلەردە ئۇزۇن ۋاقىت پائالىيەت ئېلىپ بارغان. سەھنە دىكوراتورىنىڭ ئوبراز يارىتىش رولىغا ئەھمىيەت بېرىپ، سەھنە چىراغ نۇرىنىڭ بەدىئىيلىكىنى ئىپادىلەش ئىقتىدارىنى تەكىتلىگەن؛ سەھنە ئورۇنلاشتۇرۇلۇشى، چىراغ نۇرى، مۇزىكا، دىكوراتسىيە بىلەن ئارتىستلار ھەرىكىتىنىڭ ماس كېلىشىنى تەشەببۇس قىلغان؛ تەقلىد قىلىنغان تەكشىلىكتىكى كۆرۈنۈشنى ئەمەلدىن قالدۇرۇپ، ئۇنىڭ ئورنىغا ستېرېئولۇق كۆرۈنۈشنى دەسسىتىشنى تەلەپ قىلغان. «ۋاگنىر مۇزىكىلىق درامىسىنىڭ كۆرسىتىلىشى»، «مۇزىكا ۋە سەھنە»، «ھاياتىي كۈچكە ئىگە بەدىئىي ئەسەر» قاتارلىق ئەسەرلىرى بار.

ā pí yà ئاپىللاDئۇنىۋېرسال ā pí yà ئاپىيە 阿皮亚〈玻〉 ā pí yà ئاپىللا

ئاپىيە تىنچ ئوكياننىڭ ئوتتۇرا جەنۇبىدىكى غەربىي سامۇئانىڭ پايتەختى، مۇھىم پورتى. بۇ شەھەر ئۇپولۇ ئارىلىدىكى شىمالىي دېڭىز قىرغىقىنىڭ ئوتتۇرا قىسمىغا جايلاشقان. ئاھالىسى 34 مىڭدىن ئاشىدۇ (1984)، شەھەر 1850 - يىلى دېڭىز قىرغاق لىنىيىسىنى بويلاپ سېلىنغان. 1966 - يىلى ئاپىيەنىڭ تۆت كىلومېتر شەرقىدە چوڭقۇر سۇلۇق پرىستان قۇرۇلغان، 40 كىلومېتر غەربىدە خەلقئارا ئايرودروم سېلىنغان. ئاپىيە — غەربىي سامۇئانىڭ ئەڭ مۇھىم قاتناش تۈگۈنى، بۇ جايدىن دۇنيانىڭ ھەر قايسى چوڭ شەھەرلىرىگە قاتنايدىغان ھاۋا يوللىرى، سۇ يوللىرى، ئارالدىكى شەھەر — جىڭلارنى تۇتاشتۇرۇپ تۇرىدىغان قۇرۇقلۇق يوللىرى بار. شەھەرنىڭ ئۈچ كىلومېتر غەربىي شىمالدىكى مولىنو يېرىم ئارىلىدا رەسەتخانا قۇرۇلغان. ئاپىيە پورتى ئارقىلىق پالما، بانان، كاكائو، كوفي قاتارلىقلار ئېكسپورت قىلىنىدۇ.