奥托一世

ئوتو Ⅰ (1815 - 1867) گرېتسىيە كورۇلى (1832 - 1862)، باۋارىيە كورۇلى لۇئى Ⅰ نىڭ كەنجى ئوغلى. 1832 - يىلى 5 - ئايدا ئەنگلىيە، روسىيە، فرانسىيە ئۈچ دۆلەتنىڭ قوللىشى ئارقىسىدا، گرېتسىيە مىللىي پارلامېنتى تەرىپىدىن كورۇللۇققا سايلانغان. 1833 - يىلى تەختكە رەسمىي چىققان (1835 - يىلى 5 - ئايغىچە دۆلەتنى نائىب ئىدارە قىلغان). دەسلەپكى مەزگىلدە ھوقۇقنى مەركەزلەشتۈرۈش فاڭجېنىنى قوللىنىپ، باۋارىيىدىن كەلگەن قوشۇنغا تايانغان. 1843 - يىلى 9 - ئايدا ئافىنادا قوزغىلاڭ پارتلاپ، باۋارىيە قوشۇنىنى تارقىتىۋېتىشكە مەجبور بولغان ھەمدە گرېتسىيىدە جاۋابكار ئىچكى كابىنېت تۈزۈمىنى يولغا قويۇشقا قوشۇلغان. 1862 - يىلى بۇرژۇئازىيە ئىنقىلابى پارتىلىغاندىن كېيىن تەختتىن چۈشۈپ، باۋارىيىدىكى بامبېرگقا كۆچۈپ بېرىپ، تاكى ۋاپات بولغىچە شۇ يەردە ياشىغان.