ئۆپكە پۈۋەكچىسى

بىئولوگىيە 肺泡 fèipào ئۆپكىدىكى ھاۋا ئالماشتۇرۇش ئېلىپ بارىدىغان تۈزۈلۈش بولۇپ، كانايچە شاخچىلىرىنىڭ ئاخىرقى ئۇچلىرىدىكى يېرىم شار شەكلىدىكى خالتىسىمان پۈۋەكچىنى كۆرسىتىدۇ. يېتىلگەن ئادەمنىڭ ئۆپكىسىنىڭ كۆپ قىسمىدا ئۆپكە پۈۋەكچىلىرى بولۇپ، ئومۇمىي يۈزى تەخمىنەن 100 كۋادرات مېتىرغا يېتىدۇ. ئۆپكە پۈۋەكچىسى بىر قەۋەت يادرولۇق ياپىلاق ئېپىتېلىيىدىن تەركىب تاپقان بولۇپ، دىۋار پەردىسى ئىنتايىن يۇمشاق ۋە نېپىز پۈۋەكچىلەر ئارىسىدىكى ئاز مىقدارلىق بىرىكتۈرگۈچى توقۇلمىلار ئۆپكە پۈۋەكچىلىرى پاسىلىنى شەكىللەندۈرگەن، پاسىلدا نۇرغۇنلىغان كاپىلليار تومۇرلار تورى بولۇپ، سىرتتىن سۈمۈرۈلگەن ھاۋا كاپىلليار تومۇرلار تورىدىكى قان سۇيۇقلۇقى بىلەن ناھايىتى ئاسانل گاز ئالماشتۇرالايدۇ. كاپىلليار تومۇرلار تورى ئارىلىق بوشلۇقىدا يەنە بىر قىسىم يۇتقۇچى ھۈجەيرىلەر بولۇپ، <چاڭ - توزان ھۈجەيرىسى> دېيىلىدۇ، ئۇلار ئۆپكە پۈۋەكچىلىرى ئىچىگە كىرىپ چاڭ - توزان دانىچىلىرىنى ۋە باكتېرىيىلەرنى يۇتىدۇ، ئاندىن ئۆپكە بوشلۇقىغا تاشلىنىپ چىقىرىۋېتىلىدۇ. تەنتەربىيە 肺泡 fèi pào