ئەركىن سۇ ۋە باغلانغان سۇ

بىئولوگىيە 自由水与束缚水 zìyóushuǐyǔshùfùshuǐ ئۆسۈملۈك تېنىدىكى قۇتۇپلۇق دانىچىلاردىن يىراق جايلاشقان، مۇھتەھكەم بىرىكمىگەن، ئۆسۈملۈك تېنى ئىچىدە ئەركىن يۆتكىلەلەيدىغان ھەمدە ئاسانلا ئۆسۈملۈك تېنى سىرتىغا تارقاپ كېتەلەيدىغان بىر قىسىم سۇ ئەركىن سۇ دەپ ئاتىلىدۇ. ئۇنىڭدىن باشقا ئۆسۈملۈك تېنىدە يەنە بىر قىسىم سۇ بولۇپ، ئۇ سۇ خالايدىغان تۈزگۈچى ماددىلار تەرىپىدىن مۇستەھكەم باغلىنىپ، گىدراتلىشىش رولى، ئوسموتىك رولى قاتارلىق شەكىللەردە باغلىنىپ تۇرىدۇ، بەزى سۇلار ھەتتا ماددىي تۈزۈلۈشنىڭ بىر قىسمىغا ئايلانغان بولىدۇ، بۇ سۇلار بىرقىسىمدىن يەنە بىر قىسىمغا ئەركىن يۆتكىلەلمەيدۇ، ئۆسۈملۈك تېنى ئىچىدە يوقىلىپ كېتەلمەيدۇ، باشقا ماددىلارنى ئېرىتىش ئىقتىدارىمۇ بولمايدۇ، بۇ بىر قىسىم سۇ باغلانغان سۇ دەپ ئاتىلىدۇ. بىرىككەن سۇنىڭ ئېلېكترلىك تۇراقلىقى نىسبەتەن كىچىك، ئىسسىقلىق سىغىمى بىردىن كىچىك بولىدۇ.