يىڭناغۇچ بىلەن چۈمۈلە

كەچ كۈز كۈنلىرىنىڭ بىرىدە، بىر - نەچچە چۈمۈلە يېزىنچە يىغقان ئۇرۇقلىرىنى ئاپتاپتا قۇرۇتۇشقا باشلاپتۇ. دەل شۇ چاغدا بىر يىڭناغۇچ كېلىپ: - دوستلىرىم، ياخشىمۇ سىلەر؟ سىلەرنىڭ ئوزۇقلىرىڭلار نېمىدېگەن جىق، ماڭا ئازراق بەرسەڭلارچۇ؟ - دەپتۇ. - خۇش، ياز كۈنلىرى ئۆزۈڭ قەيەرلەردە يۈردۈڭ، نېمىشقا قىشلىق - تۈلۈكۈڭنى تەييارلىۋالمىدىڭ؟ - دەپ سوراپتۇ چۈمۈلىلەر. - زادى چولام تەگمىدى، يېزىچە گۈللەرنىڭ ئارىسىدا ئويناپ يۈردۈم، - دەپتۇ يىڭناغۇچ. - ھە، شۇنداقمۇ؟ ياخشى، دوستۇم، ئۇنداق بولسا، بىزدىن رەنجىمە، يازنى ئويناپ ئۆتكۈزگەن بولساڭ، قىشنىمۇ ئويۇن - كۈلكە بىلەن ئۆتكۈز، - دەپ كۈلۈشۈپتۇ چۈمۈلىلەر.