ئاڭلىق ئەستە قالدۇرۇش

پسىخولوگىيە ئەستە قالدۇرۇشنىڭ بىر خىلى. بۇ ئۆزىنىڭ بىلىم، تەجرىبىسىگە تايىنىپ ئەستە قالدۇرىدىغان ماتېرىيالنى چۈشىنىپ ئەستە قالدۇرۇش بولۇپ، كىشى ئۆزىنىڭ بىلىم تەجرىبىسىگە تايىنىپ چۈشىنىش ئاقىلىق، شەيئىنىڭ ئالاھىدىلىكى ۋە ئىچكى باغلىنىشلىرىنى ئەستە قالدۇرۇش جەيانىدىن ئىبارەت. مەسىلەن: ئىلمىي پرىنسىپلار، تارىخىي ۋاقىئەلەرنى ئۆگىنىشتە، ئادەتتە سۆز - جۈملىلەر ئۆلۈك يادلىۋېلىنمايدۇ. بەلكى ئانالىز - سىنتېزلاش ئارقىلىق ئۇنىڭ ئاساسىي مەنىسى بىلەن لوگىكىلىق مۇناسىۋەتلىرى تونۇش قۇرۇلمىسىغا (رېنجژ قۇرۇلمىسىغا) كىرگۈزۈلۈپ، خاتىرىدە ساقلىنىدۇ. مانا بۇ ئاڭلىق ئەستە قالدۇرۇش بولىدۇ. ئاڭلىق ئەستە قالدۇرۇشنىڭ ئاساسىي شەرتى ئەستە قالدۇرىدىغان ماتېرىيالنى چۈشىنىش، بۇنىڭ ئۈچۈن مۇناسىۋەتلىك بىلىم، تەجرىبىلەر بىلەن زۆرۈر تەپەككۇر قابىلىيىتىگە تايىنىشقا توغرا كېلىدۇ. بۇنىڭ فىزىئولوگىيىلىك مىخانىزمى چوڭ مېڭە پوستلىقىدىكى سۆز - ئىبارىلەر بىلەن شەكىللەنگەن نۇرغۇن ئومۇملاشتۇرۇلغان، سىستېمىلاشتۇرۇلغان ۋاقىتلىق نېرۋا باغلىنىشلىرىغا تايىنىپ، بۇ نېرۋا باغلىنىشلىرىنى ئىلگىرى شەكىللەنگەن نېرۋا باغلىنىشلىرى سىستېمىسى بىلەن بىر لەشتۈرۈشتىن ئىبارەت. ئاڭلىق ئەستە قالدۇرۇشنىڭ ئۈنۈمى ئۆلۈك ئەستە قالدۇرۇشنىڭكىدىن ياخشى. مەسىلەن: ئېببىنگخائۇس تەجرىبىسىدە 12 مەنىسىز بوغۇمنى 16.5 قېتىم تەكرارلىغاندا ئېسىدە قالغان. 6 كۇبلىت شېئىرنىڭ 480 بوغۇمىنى پەقەت 7.75 قېتىم ئوقۇپلا ئەستە قالدۇرغان. كىشىلەر پەقەت مۇشۇنداق ئاڭلىق ھالدا ئەستە قالدۇرغاندىلا، خاتىرىدە ساقلانغان تۈرلۈك سىستېمىلىق ھەم ئەتراپلىق، چوڭقۇر ھەم مول مەزمۇنلۇق نەزەرىيىۋى بىلىملىرىنى ساقلاپ، ئەقلىي پائالىيەت ئېلىپ بارالايدۇ.

Rate this entry

About this entry

This is a Uyghur–Uyghur dictionary entry.

Sourced from Main Dictionary in Lughet's collection.

This word also appears under other sources in Lughet's collection — see the list below.

Same word in other sources

ئاڭلىق ئەستە قالدۇرۇشUyghur›ChineseMain Dictionary

Nearby in the dictionary

ئاڭلاش تىلىدىن قېلىش ئاڭلاش سەزگۈسى ئاڭلاش سەزگۈ مەركىزى ئاڭلاش سېزىمى ئاڭلاشماق ئاڭلاماق ئاڭلانماق ئاڭلىتىش ئاڭلىتىلماق ئاڭلىشىلماق ئاڭلىغان سۆزنىڭ ئىگىسى يوق

Frequently asked questions

Where does this definition of ئاڭلىق ئەستە قالدۇرۇش come from?

This entry for ئاڭلىق ئەستە قالدۇرۇش is sourced from Main Dictionary, one of the dictionaries and corpora merged into Lughet.

Does ئاڭلىق ئەستە قالدۇرۇش appear elsewhere on Lughet?

Yes — ئاڭلىق ئەستە قالدۇرۇش appears under other sources or language pairs in Lughet's collection. See the list below.

What is Lughet?

Lughet is a free trilingual dictionary covering nearly five million entries across Uyghur, Chinese, and English, drawn from more than ten source dictionaries and corpora.

← Search