خۇاڭگوشۇ شارقىراتمىسى

Domain: تاغ ۋە دالىلار

خۇاڭگوشۇ شارقىراتمىسى گۇيجۇ ئۆلكىسىدىكى جېننىڭ بۇيىزۇ - مياۋزۇ ئاپتونوم ناھىيىسىدە. ناھىيە بازىرىدىن غەربىي جەنۇبقا قاراپ15 كىلومېتىر كېلىدىغان جايدا بەيشۇي دەرياسى بار. بۇ يەردە قاتمۇقات ئېگىز تاغلار بار، شاۋقۇنلاپ ئۆركەشلەپ ئېقىۋاتقان بەيشۇي دەرياسى شەرقىي شىمالدىكى تاغلىقنىڭ ئوتتۇرا قىسمىدىن يول ئېلىپ ئېقىپ چىقىدۇ. دەريا سۈيى ئېقىپ خۇاڭگوشۇ بۆلىكىگە كەلگەندە دەريا قىنى توساتتىن ئۈزۈلىدۇ، بۇنىڭ بىلەن دەريا سۈيى ئۈزۈلمىنى بويلاپ تۆۋەنگە ئېقىپ چۈشۈپ توققۇز باسقۇچلۇق شارقىراتمىنى ھاسىل قىلىدۇ. بۇلارنىڭ ئىچىدىكى ئەڭ چوڭ شارقىراتما تۆتىنچى باسقۇچتا ھاسىل بولغان خۇاڭگوشۇ شارقىراتمىسى بولۇپ، ئۇنىڭ كەڭلىكى30 مېتىردىن ئاشىدۇ (سۈيى ئۇلغايغاندا70 -80 مېتىرغا يېتىدۇ)، ئېگىز ۋە تىك ياردىكى چۈشۈش پەرقى60 نەچچە مېتىرغا يېتىدۇ، يەنى60 نەچچە مېتىر ئېگىزلىكتىن شىنيۇتەنگە ئېقىپ چۈشىدۇ. شارقىراتما60 -70 مېتىر ئېگىزلىكتىكى تىك قىيادىن پەسكە چۈشكەندە، يۈرەكنى لەرزىگە سالغۇدەك گۈلدۈرلىگەن ئاۋاز چىقىرىدۇ ھەمدە نۇرغۇن ئاق شايى پەردىلەر تۆۋەنگە چۈشۈۋاتقاندەك كۆرۈنۈشنى نامايان قىلىدۇ. سۇ شىددەت بىلەن شىنيۇتەنگە ئېقىپ چۈشكەندە، سۇ ئۈنچىلىرى ۋە سۇ تۇمانلىرىنى ھاسىل قىلىدۇ. چاچراپ چىققان سۇ تامچىلىرى يەنە يۈننەن - گۇيجۇ تاشيولىدا سىم - سىم يامغۇر يېغىۋاتقاندەك ھالەتنى پەيدا قىلىدۇ، ياز پەسىلى شارقىراتما ئالدىدا كۆزنى قاماشتۇرىدىغان ھەسەن - ھۈسەن پەيدا بولۇپ، پۈتۈن تاغ جىلغىسى ئالتۇن رەڭلىك نېپىز شايىدىن كىمخاب ئارتىۋالغاندەك كۆرۈنىدۇ. شارقىراتما ئۇدۇلىدىكى تاغ باغرى ۋە سۇ بويىغا «سۇ مەنزىرىسىنى تاماشا قىلىش راۋىقى» ياسالغان. شارقىراتمىغا يېقىن جايدا ئۇزۇنلۇقى1 كىلومېتىر كېلىدىغان بىر «تەبىئىي كۆۋرۈك» بار، كەڭلىكى تەخمىنەن2 -3 يۈز مېتىر كېلىدىغان بۇ كۆۋرۈك ئۈستىدە شەكلى ھەر خىل ھەم غەلىتە كەلگەن تاش ئورمان بار.

Rate this entry

About this entry

This is a Uyghur–Uyghur dictionary entry.

Sourced from Main Dictionary in Lughet's collection.

This word also appears under other sources in Lughet's collection — see the list below.

Same word in other sources

خۇاڭگوشۇ شارقىراتمىسى—Reference

Nearby in the dictionary

خۇاڭ خۇاتەن خۇاڭخې چوڭ خورى خۇاڭخې دەرياسى خۇاڭخې دەرياسى خۇكۇ شارقىراتمىسى داڭلىق مەنزىرىلىك رايونى خۇاڭ زۇڭشى خۇاڭ زۇنشيەن خۇاڭ سىيۇڭ خۇاڭشەن تېغى خۇاڭشەن تېغى داڭلىق مەنزىرىلىك رايونى خۇاڭ شىڭ خۇاڭ كۈن

Frequently asked questions

Where does this definition of خۇاڭگوشۇ شارقىراتمىسى come from?

This entry for خۇاڭگوشۇ شارقىراتمىسى is sourced from Main Dictionary, one of the dictionaries and corpora merged into Lughet.

Does خۇاڭگوشۇ شارقىراتمىسى appear elsewhere on Lughet?

Yes — خۇاڭگوشۇ شارقىراتمىسى appears under other sources or language pairs in Lughet's collection. See the list below.

What is Lughet?

Lughet is a free trilingual dictionary covering nearly five million entries across Uyghur, Chinese, and English, drawn from more than ten source dictionaries and corpora.

← Search