匈牙利爱国同志会

دۇنيا تارىخى ۋېنگرىيە ۋەتەنپەرۋەر يولداشلار جەمئىيىتى ۋېنگرىيە بۇرژۇئازىيىسىنىڭ ۋەتەنپەرۋەر مەدەنىيەت تەشكىلاتى. 1779 - يىلى پېشتتا قۇرۇلغان. ئاۋسترىيىنىڭ مەدەنىيەت ھۆكۈمرانلىقىغا قارشى تۇرۇپ، ۋېنگرىيىنىڭ مىللىي مەدەنىيەتنى راۋاجلاندۇرۇشنى تەشەببۇس قىلغان. 1788 - يىلى تۇنجى ئەدەبىيات ژۇرنىلى <ماجال مۇزېيى>، تۇنجى ۋېنگرىيە گېزىتى - <ماجال شىرموندو> ۋە تۇنجى ئەدەبىيات مەجمۇئەسى - <ئۇرانىيە> نى نەشر قىلغان؛ 1792 - يىلى ۋېنگرىيە كۇتۇپخانىسىنى قۇرۇپ چىققان. بۇلاردىن باشقا، مەكتەپ ئاچقان. تىياتىرخانا ئېچىپ مىللىي تىياتىرلارنى ئويناپ، مىللىي تىلنى زور كۈچ بىلەن كېڭەيتىپ، مىللىي ئاڭنى قوزغىغان. ئۇنىڭ پائالىيىتى ئاۋسترىيە ئەكسىيەتچىل دائىرىلىرىنىڭ قاتتىق چەكلىشىگە ئۇچرىغان.