خەتەرلىك بۇيۇملارنى قانۇنسىز ياساش ئېلىپ سېتىش توشۇش ساقلاش جىنايىتى

جىنايەت ۋە جازا بۇ - خەتەرلىك بۇيۇملارنى باشقۇرۇشقا ئائىت قانۇن - نىزاملارغا خىلاپلىق قىلىپ، زەھەرلىك، رادىئوئاكتىپلىق، يۇقۇملۇق كېسەللىك يۇقتۇرغۇچى قاتارلىق بۇيۇملارنى قانۇنسىز ياساپ، ئېلىپ - سېتىپ، توشۇپ، پوچتىدىن يوللاپ ۋە ساقلاپ جامائەت خەۋپسىزلىكىگە خەۋپ يەتكۈزگەن قىلمىشلارنى كۆرسىتىدۇ. 1. ئوبيېكتى - جامائەتنىڭ بىخەتەرلىكى بولىدۇ. 2. ئوبيېكتىپ جەھەتتە قىلمىش سادىر قىلغۇچى دۆلەتنىڭ خەتەرلىك بۇيۇملارنى باشقۇرۇشقا ئالاقىدار قانۇن - نىزاملىرىغا خىلاپلىق قىلىپ، خەتەرلىك بۇيۇملارنى ياساپ، ئېلىپ - سېتىپ، توشۇپ، ساقلاپ جامائەت خەۋپسىزلىكىگە خەۋپ يەتكۈزگەن قىلمىش بولۇپ ئىپادىلىنىدۇ. 3. سۇبيېكتى - ئادەتتىكى سۇبيېكت (ئادەم ۋە ئورۇنلار) بولىدۇ. 4. سۇبيېكتىپ جەھەتتە قەستەنلىكتىن شەكىللىنىدۇ. 125 - ماددا 2 - تارماق، 3 - تارماق زەھەرلىك، رادىئوئاكتىپلىق ماددىلارنى، يۇقۇملۇق كېسەل قوزغاتقۇچىغا ئوخشاش ماددىلارنى قانۇنسىز ياسىغان، ئېلىپ - ساتقان، توشۇغان، ساقلىغانلاردىن جامائەت خەۋپسىزلىكىگە خەۋپ يەتكۈزگەنلىرىگە ئالدىنقى تارماقتىكى بەلگىلىمە بويىچە جازا بېرىلىدۇ. ئورۇنلاردىن ئالدىنقى ئىككى تارماقتىكى جىنايەتنى ئۆتكۈزگەنلەرگە جەرىمانە قويۇلىدۇ ھەمدە ئۇنىڭ بىۋاستە جاۋابكار مەسئۇل خادىمىغا ۋە باشقا بىۋاستە جاۋابكارلىرىغا 1 - تارماقتىكى بەلگىلىمە بويىچە جازا بېرىلىدۇ.