ۋارلې

دۇنيا تارىخى (1764 - تەخمىنەن 1832) فرانسىيە بۈيۈك ئىنقىلابى مەزگىلىدىكى ئەسەبىيلەر گۇرۇھى ئەربابى. ئەسلىدە پوچتىكەش. ئىنقىلاب مەزگىلىدە تەشۋىقات - تەرغىبات خىزمىتى بىلەن شۇغۇللىنىپ، ئۆزىنى <ئەركىنلىك ئەلچىسى> دەپ ئاتىغان. 1792 - يىلنىڭ ئاخىرلىرىدا مىللىي ئۇيۇشمىنىڭ ئولىگارخېينى شەكىللەندۈرگەنلىكىگە ھۇجۇم قىلغانلىقتىن، ياكۇبىن كۇلۇبىدىن قوغلاپ چىقىرىلغان. ئۆزىنى <ئەركىنلىك ئەلچىسى> دەپ ئاتاشنى ئەسلىگە كەلتۈرۈپ، داۋاملىق تەرغىبات بىلەن شۇغۇللانغان. مەخپىي ئىسيان كومىتېتىنىڭ ھەيئىتى بولۇپ، گىروندىچىلار ھۆكۈمرانلىقىنى ئاغدۇرۇش مەقسەت قىلىنغان. 5 ـ ئاينىڭ 31 - كۈنى ۋە 6 - ئاينىڭ 2 - كۈنىدىكى قوزغىلاڭلارغا رەھبەرلىك قىلىشقا قاتناشقان. مۈلۈك ھوقۇقىغا چەك قويۇش، باي - كەمبەغەللىك پەرقىنى تارايتىش قاتارلىق تەلەپلەرنى ئوتتۇرىغا قويۇپ، جاك. روئۇش قاتارلىقلار بىلەن بىللە، باھاغا چەك قويۇش ۋە ھايانكەشلىكنى بىكار قىلىشنى قاتتىق تەلەپ قىلغان. 1799 - يىلى تۇمانلىق ئاي سىياسىي ئۆزگىرىشىدىن كېيىن سىياسىيدىن قول ئۈزگەن.