تۆت تەڭگىگە قىممەت، توققۇز تەڭگىگە ئەرزان

ئۇيغۇر خەلق چۆچەكلىرى بۇرۇنقى زاماندا بىر كىشى ئوغلىنى ئەگەشتۈۈپ بىر تۆگە سېتىۋېلىش ئۈچۈن ئۇلاغ بازىرىغا كىرىپتۇ. بىر نار تۆگىنىڭ باھاسى تۆت تەڭگىگە توختىغانىكەن، بالىسى >ئالىلى< دېسىمۇ، >بالا تۆگە قىممەت ئىكەن< دەپ بازاردىن قايتىپ چىقىپتۇ، ئارىدىن بىر نەچچە يىللار ئۆتۈپتۇ. ھېلىقى ئادەم يەنە بالىسىنى ئەگەشتۈرۈپ ئۇلاغ بازىرىغا كىرىپتۇ. بىر ئورۇق تۆگىنىڭ باھاسى توققۇز تەڭگىگە توختىغانىكەن. شۇنى ئاپتۇ ۋە بالىسىغا قاراپ: - بۇ تۆگە بىزگە ناھايىتى ئەرزان توختىدى جۇمۇ بالام، - دەپتۇ. بالىسى ھەيران بولۇپ: - دادا، سەن بىر نەچچە يىل ئىلگىرى نار تۆگىنى تۆت تەڭگىگە بەرسە قىممەت دەيسەن، ئەمدى بىر ئورۇق تۆگىنى توققۇز تەڭگىگە بەرسە ئېلىپ يەنە ئەرزان دەيسىنا؟ - دەپتۇ. دادىسى: - ۋاي بالام، ئۇ چاغدا يانچۇقۇمدا پۇلۇم ئاز ئىدى، - دەپتۇ.