تىن

ئاھاڭداش سۆزلەر ئىسىم نەپەس، تىنىق . تىن ئالماق.* تىن تارتماق. ئاھاڭداش سۆزلەر پېئىل تىنماق، تىنىش. 1. لېيى، دۇغى سۈزۈلمەك. سۇ تىنىپتۇ. 2. تىنجىماق، توختىماق. ئىت ئىتلىقىنى قىلمىسا كۆڭلى تىنمايدۇ ( ماقال ).* شامال تىندى.* ئۇ سەل تىنىۋېلىپ سۆزلىدى. 3. نەپەس ئالماق. ئۇ چوڭقۇر تىندى.* ئەھمەت ئۇلۇغ _ كىچىك تىندى. چاغاتاي دەۋرى ئۇيغۇر سۆزلۈكلىرى ھالاۋەت؛ دەم. تۈركىي تىللار دىۋانى سۆزلۈكلىرى تىن، تىنىق، نەپەس؛ روھ، جان. ئانىڭ تىنى كەسلدى _ ئۇنىڭ تىنىقى كېسىلدى، يەنى ئۇ جان ئۈزدى. 1 - 441 تۈركىي تىللار دىۋانى سۆزلۈكلىرى يۈگەن. تىن تىزگىن _ يۈگەن - تىزگىن. 1 - 441 تۈركىي تىللار دىۋانى سۆزلۈكلىرى تىن ~ تىڭ، ئارام ئالغان، بىكار. تىن كىشى _ ھېچانداق مەشغۇلات بىلەن شۇغۇللانماي بىكار يۈرگەن كىشى. بىر نەچچە كۈن ئىشلىتىلمىگەن ھەر قانداق ھايۋانغىمۇ مۇشۇ سۆز ئىشلىتىلىدۇ. 3 - 188 تۈركىي تىللار دىۋانى سۆزلۈكلىرى تىزگىن. 3 - 189 قەدىمكى ئۇيغۇر تىلى سۆزلۈكلىرى نەپەس، تىنق، دەم؛ دەم ئالماق، تىنماق ئۇيغۇر تىلى ئۇنۋېرسال سۆزلۈكلەر ئىسىم نەپەس، تىنىق، دەم. تىن تارتماي ئۆلمەك.