تەڭگە تاشلايدىغان تېلېفوننىڭ قانداق ئىقتىدارى بار؟

نېمە ئۈچۈن بۇرۇنقى ئاممىۋى تېلېفونلارنىڭ كۆپىنچىسى چوڭ كوچا بويلىرىدىكى، دوقمۇشلاردىكى كىچىك بوتكىلاردا بولۇپ، مەخسۇس خادىم باشقۇراتتى. باشقۇرغۇچى خادىم بار بولسا تېلېفوننى ئىشلەتكىلى بولاتتى، يوق بولسا ئىشلەتكىلى بولمايتتى. بۈگۈنكى كەندە، باشقۇرغۇچى خادىم بولمىسىمۇ بولىدىغان، ھەر قانداق چاغدا ئىشلەتكىلى بولىدىغان نۇرغۇن <ئاپتوماتىك تېلېفون> لار بارلىققا كەلدى. تەڭگە تاشلايدىغان تېلېفون شۇلارنىڭ بىرى. تەڭگە تاشلايدىغان تېلېفوننىڭ ئىچىدە بىر پۇل ساقلاش قۇتىسى بولۇپ، ئەمەلىيەتتە، ئۇ تېلېفون يولىنىڭ ئاپتوماتىك ۋىكليۇچاتېلىدۇر. سىز بەلگىلەنگەن تەڭگە پۇلنى، مەسىلەن، بىر يۈەنلىك تەڭگە پۇلنى سالسىڭىز، تېلېفون يولى ئاپتوماتىك ئېچىلىپ كېتىدۇ. بۇ چاغدا سىز تېلېفون نومۇرىنى باسسىڭىزلا بولدى. ئەگەر تېلېفون ئۇلانمىسا، تەڭگە پۇل قايتىپ چىقىدۇ؛ تېلېفۇن ئۇلانسا، تېلېفوندىكى ئاپتوماتىك ۋاقىت ھېسابلىغۇچ ۋاقىت ھېسابلاشنى باشلايدۇ. ئادەتتە بىر قېتىم تاشلىغان تەڭگە پۇل بىلەن بەش مىنۇت سۆزلەشكىلى بولىدۇ. تېلېفوندا سۆزلەشكەن ۋاقتىڭىز ئۇزىراپ كەتسە، تېلېفوندىكى تاۋۇش سىستېمىسى سىزنى ۋاقىتنى چىڭ تۇتۇشقا ئاگاندۇرۇىدۇ. سۆزلىشىش ئاخىرلىشىشقا بەش سېكۇنت قالغاندا، ئۇ يەنە بىر قېتىم ئەسكەرتىدۇ. سىز داۋاملىق سۆزلەشمەكچى بولسىڭىز، يەنە تەڭگە سېلىشىڭىز كېرەك. بولمىسا، تېلېفون ئاپتوماتىك ئۈزۈلۈپ قالىدۇ. تەڭگە تاشلايدىغان تېلېفون قۇلايلىق ھەم ھەق ئېلىشتا <ئادىل> ھازىر ئۇ دوختۇرخانا، سودا ساراي، پويىز ئىستانىسىسى قاتارلىق نۇرغۇنلىغان ئاممىۋى سورۇنلاردىن <ئورۇن ئالدى>.