تەرانە

چاغاتاي دەۋرى ئۇيغۇر سۆزلۈكلىرى پارىسچە ناخشىا؛ ئاھاڭ؛ مۇقام: سۆزلىمەك: سايرىماق: 1. مۇغەننى ئەيەلەگەچ مۇنداق تەرانە، چەمەنى چەكتى شەرابى ئاشىقانە. زەلىلى. 2. دېدىمكى، بۇ قىزغە فەسانە قىلاي، كۆڭۈل خاھىشىنى تەرانە قىلاي. ئا. نىزاي، ن. زىيائى. تەرانە بىرلە كېلىپ گۈلغە ھەر سەھەر بۇلبۇل، فىراق خارىنىڭ ئازارىنى بەيان قىلادۇر. مەھزۇن. ئارۇز ئىلىمىدا رۇبائىي ۋەزنىنىڭ نامى. كلاسسىك ئەدەبىيات سۆزلۈكلىرى پارىسچە ناخشا، ئاھاڭ، كۈي، مۇقام؛ ئارۇز ئىلمىدە رۇبايى ۋەزنىنىڭ نامى: تەرانە سۈرمەك - كۈيلەپ ئوقۇماق، سۆزلىمەك؛ تەرانە تۈزمەك - ناخشا ئېيتماق، كۆيلىمەك.