UyghurMain Dictionary
شىنجاڭ ماددىي ئەشيالار مەكتىپى
Domain: شىنجاڭ مائارىپىكەسپىي مائارىپ
1980 - يىلى 11 - ئاينىڭ 4 - كۈنى ئاپتونوم رايونلۇق خەلق ھۆكۈمىتىنىڭ تەستىقلىشى بىلەن قۇرۇلغان مالىيە ئىقتىساد تۈرىدىكى پۈتۈن كۈنلۈك ئوقۇتۇش تۈزۈمىدىكى ئوتتۇرا دەرىجىلىك تېخنىكوم بولۇپ، ئاپتونوم رايونلۇق ئىچكى سودا نازارىتىگە تەۋە. بۇ مەكتەپ ئادەتتىكى ئوتتۇرا تېخنىكوم، چوڭلار ئوتتۇرا تېخنىكومى، كەسپىي ئوتتۇرا تېخنىكوم، رادىئو - تېلېۋىزىيە ئۇنىۋېرسىتېتىنىڭ سىرتتىن ئوقۇتۇشنى بىر گەۋدە قىلغان، پۈتۈن شىنجاڭدىكى ئوبوروت كەسىپتىكى ئىشچىلارنى ئىش ئورنىدا تەربىيىلەش ۋە شىنجاڭدىكى تېخنىك ئىشچىلارنى تەربىيىلەيدىغان بازا، ئوقۇتۇش خەنزۇ، ئۇيغۇر تىلىدا ئېلىپ بېرىلىدۇ. كومپيۇتېر قوللىنىش، بازار مۇلازىمىتى، ئىقتىساد ئۇچۇر باشقۇرۇش، كارخانا ماددىي ئەشيالىرىنى باشقۇرۇش، مالىيە بوغالتىرلىقى، سودا كاتىباتلىقى، سودا خەنزۇ تىلى، بوغالتىرلىقنى كومپيۇتېرلاشتۇرۇش قاتارلىق كەسىپلەر تەسىس قىلىنغان. 1999 - يىلى ئىگىلىك باشقۇرۇش كادىرلار ئىنستىتۇتى بىلەن بىرلىشىپ <2+3> ئوقۇش تارىخى سىنىپىنى ئاچقان. مەكتەپنىڭ ئىگىلىگەن يەر كۆلىمى 10000 كۋادرات مېتىر. بۇنىڭ ئىچىدە ئوقۇتۇش رايونى قۇرۇلۇش كۆلىمى 7000 كۋادرات مېتىر بولۇپ، زامانىۋى ئوقۇتۇش ئەسلىھەلىرى تولۇق. 1999 - يىلدىكى رەسمىي ئوقۇتقۇچى 43 نەپەر. مەكتەپتىكى ئوقۇغۇچى سانى 689 نەپەر.
About this entry
This is a Uyghur–Uyghur dictionary entry.
Sourced from Main Dictionary in Lughet's collection.
This word also appears under other sources in Lughet's collection — see the list below.
