شىنجاڭ مائارىپ گېزىت - ژۇرنىلى نەشرىياتى

شىنجاڭ مائارىپى مائارىپ ئاپپاراتلىرى ئەسلى ئاساسى شىنجاڭ مائارىپ ژۇرنىلى نەشرىياتى. 1951 - يىلى <شىنجاڭ مائارىپ> ژۇرنىلى سىناق قىلىپ بېسىلىپ، 1952 - يىلى خەنزۇچە، ئۇيغۇرچە يېزىقتىكى نۇسخىسى رەسمىي نەشىر قىلىنغان. 1953 - يىلى قازاق يېزىقىدىكى نەشرى رەسمىي نەشىر قىلىندى. 1958- يىلى شىنجاڭ مائارىپ ژۇرنىلى نەشرىياتى قۇرۇلدى. 1989 - يىلى شىنجاڭ مائارىپ - گېزىت ژۇرنىلى نەشرىياتى بولۇپ كېڭەيتىپ قۇرۇلدى. شۇ يىلى 7 - ئايدا <شىنجاڭ مائارىپ گېزىتى> خەنزۇچە نەشىرى بارلىققە كەلدى. 1990 - يىلى 3 - ئايدا ئۇيغۇرچە نەشرى، 1997 - يىلى قازاقچە نەشىرى رەسمىي نەشىر قىلىندى. مائارىپ نازارىتىگە قاراشلىق باشقارما دەرىجىلىك كەسپىي ئورۇن بولۇپ، ئاساسلىق ۋەزىپىسى پۈتۈن ئاپتونوم رايونىمىزدىكى مائارىپ تەشۋىقاتى، خەۋەر خىزمىتىگە مەسئۇل بولىدۇ، قارمىقىدا <شىنجاڭ مائارىپى> ئۇيغۇرچە، خەنزۇچە تەھرىر بۆلۈمى، <شىنجاڭ مائارىپ گېزىتى> ئۇيغۇرچە، خەنزۇچە تەھرىر بۆلۈمى، قازاقچە <شىنجاڭ مائارىپى>، <شىنجاڭ مائارىپ گېزىتى> تەھرىر بۆلۈمى، ماتېرىيال توپلاش بۆلۈمى، مەخسۇس ژۇرنال بۆلۈمى، نەشرىيات ئىشخانىسى قاتارلىق سەككىز بۆلۈم تەسىس قىلىنغان. ھازىر بۇ نەشرىياتتا 70 نەپەر ئادەم بولۇپ، ئۇنىڭ ئىچىدە ئالىي مۇھەررىر بىر نەپەر، مۇئاۋىن ئالىي مۇھەررىر 10 نەپەر، مۇدىر مۇخبىر بىر نەپەر، ياردەمچى مۇخبىر تۆت نەپەر، مەزكۇر نەشرىيات <شىنجاڭ مائارىپى> (ئۇيغۇرچە، خەنزۇچە، قازاقچە، نەشرى، ئۇنىۋېرسال مائارىپ ئايلىق ژۇرنىلى پۈتۈن مەملىكەتتە تارقىتىلىدۇ)، <شىنجاڭ مائارىپ گېزىتى> (خەنزۇچە نەشرى ھەپتىلىك، ئۇيغۇرچە نەشرى ھەپتىلىك، قازاقچە نەشرى 10 كۈنلۈك) ھەمدە باشلانغۇچ مەكتەپ ئوقۇغۇچىلار كۆرگەزمىسى (خەنزۇچە) <ماقالىلەر ئايلىق مۇنبىرى> (خەنزۇچە) ۋە <ئۈمىد چېچەكلىرى> (ئۇيغۇرچە) قاتارلىقلارنى چىقىرىدۇ. <شىنجاڭ مائارىپ گېزىتى> خەنزۇچە نەشرى ۋە ئۇيغۇرچە نەشرى ئاپتونوم رايون تەرىپىدىن مۇنەۋۋەر گېزىت ۋە ئەڭ ياخشى 10 گېزىتنىڭ بىرى بولۇپ باھالانغان. <شىنجاڭ مائارىپى> خەنزۇچە نەشرى، ئۇيغۇرچە نەشرى بىردەك ئاپتونوم رايون تەرىپىدىن ئىجتىمائىي پەنلەر تۈرىدىك بىرىنچى دەرىجىلىك ژۇرنال دەپ باھالانغان.