سەئىدىيە سۇلالىسى

Domain: ئىسلام ئاتالغۇلىرى

دېھىلى سۇلتانلىقىنىڭ 4 - سۇلالىسى كۆزدە تۇتۇلىدۇ. بۇ سۇلالىنى تۇغلۇق سۇلالىسىنىڭ ئاخىرقى مەزگىللىرىدە خىزىرخان (1414 - يىلىدىن 1421 - يىلىغىچە تەختتە ئولتۇرغان) ھوقۇق تارتىۋېلىش كۈرىشى داۋامىدا قۇردى. ئۆزىنى پەيغەمبەر ئەۋلادى دېگەنلىكتىن، سۇلالە نامى سەئىدىيە سۇلالىسى دەپ ئاتالدى. دېھلىنى پايتەخت قىلدى. دەسلەپ ھوقۇقى دېھلى ئەتراپىدىكى رايونلار بىلەن چەكلەندى. جۇمنا دەرياسى ۋە گانگ دەرياسى ۋادىسىدىكى ھىندىلارنىڭ مالىمانچىلىقلىرىنى كۆپ قېتىم باستۇردى. خىزىرخاننىڭ ئوغلى مۇبارەك شاھ (1421 - يىلىدىن 1434 - يىلىغىچە تەختتە ئولتۇرغان) دەۋردە پەنجاب كوكارلىرىنىڭ توپىلىڭىنى مەغلۇپ قىلدى. مېۋاتنى قولىغا ئالدى. كاتخال، ئىتۋا ۋە گۋارولنىڭ قەبىلە باشلىقلىرىنى ئولپان تۆلەشكە مەجبۇر قىلدى. پەنچابنى ۋە شىمالىي شتاتنىڭ غەربىي قىسمىنى ئۆزىگە قوشۇۋالدى. مۇبارەك شاھ ۋاپات بولغاندىن كېيىن، جىيەنى مۇھەممەد بىننى فەرىد (1434 - يىلىدىن 1444 - يىلىغىچە تەختتە ئولتۇرغان) تەختكە ۋارىسلىق قىلدى. تەرەپ - تەرەپتىن توپىلاڭ كۆتۈرۈلۈپ، سالسىنددىكى لۇدىلارنىڭ ئاقساقىلى بەھلۇل لۇدھىدىن ياردەم سوراشقا مەجبۇر بولدى. بەھلۇل لۇدھى توپىلاڭچىلارنى تىنجىتقاندىن كېيىن، تەختنى تارتىۋېلىشقا ئۇرۇنۇپ، 1443 - ۋە 1447 - يىللىرى دېھلىگە ئىككى قېتىم ھۇجۇم قىلىپ نەتىجە قازىنالمىدى. لۇدىلارنىڭ تەھدىتىدىن قۇتۇلۇش ئۈچۈن، سۇلتان ئالەم شاھ (1444 - يىلىدىن 1451 - يىلىغىچە تەختتە ئولتۇرغان) پايتەختنى باداۋىنغا يۆتكىدى. بەھلۇل لۇدھى 1451 - يىلى دېھلىدا تەختكە چىقتى. سەئىدىيە سۇلالىسى ھالەك بولدى.

Rate this entry

About this entry

This is a Uyghur–Uyghur dictionary entry.

Sourced from Main Dictionary in Lughet's collection.

This word also appears under other sources in Lughet's collection — see the list below.

Same word in other sources

سەئىدىيە سۇلالىسىUyghur›ChineseMain Dictionary

Nearby in the dictionary

سەئى سەئىب سەئىبە سەئىد سەئىدئەزىم سەئىد ئەھمەد سەئىدباقى سەئىدە سەئىدەئاي سەئىدۇللا سەئىدى

Frequently asked questions

Where does this definition of سەئىدىيە سۇلالىسى come from?

This entry for سەئىدىيە سۇلالىسى is sourced from Main Dictionary, one of the dictionaries and corpora merged into Lughet.

Does سەئىدىيە سۇلالىسى appear elsewhere on Lughet?

Yes — سەئىدىيە سۇلالىسى appears under other sources or language pairs in Lughet's collection. See the list below.

What is Lughet?

Lughet is a free trilingual dictionary covering nearly five million entries across Uyghur, Chinese, and English, drawn from more than ten source dictionaries and corpora.

← Search