ساغەر

چاغاتاي دەۋرى ئۇيغۇر سۆزلۈكلىرى پارىسچە مەي، ساراب پىيالىسى، قەدەھ: مەرھەبا ساقى بۈگۈن خۇمارىمنى دەفئ ئەيلەسەڭ، شىشەئى ساغەرنى تولدۇرغىل ققۇيۇپ گۇلگۇن شاراب. زەلىلى. كلاسسىك ئەدەبىيات سۆزلۈكلىرى ئەرەبچە مەي - شاراب ئىچىدىغان پىيالە، قەدەھ: ساغەر چەكمەك - سۈرمەك، مەي ئىچمەك؛ ساغەرى خۇرشىد - قۇياش (ئەسلى مەنىسى قۇياش پىيالىسى)؛ ساغەركەش - ئىچكۈچى. مەنىداش سۆزلۈكلەر ئىچكۈلۈك ئىچىدىغان كىچىك قاچا، چىنە. «قەدەھ كۆتۈرمەك» رەسمىي سورونلاردا، «رومكا سوقۇشتۇرماق» ئاددىي ئولتۇرۇشلاردا دېيىلىدۇ. «باكال» پىۋا ئىچىشتە ئىشلىتىلىدۇ. ھاراقكەشنىڭ بايلىقى - قەدەھ. قەدەھتە ئۆلگەن دېڭىزدا ئۆلگەندىن جىق. ھەي ئىنسان، قولۇڭدا پەۋەس تولغان جام، ۋەسۋەسىدىن تىنماس دىل، بىسەرەمجان. مەست قولىغا چۈشسە پىيالە، ئەسىلا ئۇنى سۇندۇشنى كۆرمەيدۇ راۋا. كىشىلەر « سالاپەتلىك ئۈچۈن» دەپ رومكا سوقۇشتۇرۇپ سالامەتلىكىدىن ئايرىلىدۇ. پىۋا ئىچتۇق باكالدا، خار بولمايلى ئۆز ماكاندا.