قۇمۇل ۋىلايەتلىك يېزا ئىگىلىك مەكتىپى

شىنجاڭ مائارىپى كەسپىي مائارىپ 1959 - يىلى 10 - ئايدا قۇمۇل ۋىلايەتلىك راكىتا دېھقانچىلىق مەيدانىدا قۇرۇلغان بولۇپ، ئاپتونوم رايونلۇق يېزا ئىگىلىك نازارىتىنىڭ باشقۇرۇشىدا بولغان. مەكتەپ قۇرۇلۇپ دەسلەپتە ئىلمى بۆلۈم ۋە خوجىلىق بۆلۈمدىن ئىبارەت ئىككى بۆلۈم ۋە كەسپىي دەرسلەر كافىدراسى، ئادەتتىكى مەدەنىيەت دەرسلىرى كافىدراسى تەسىس قىلىنغان. 20 دىن ئارتۇق ئوقۇتقۇچىسى بار. تولۇقسىز ئوتتۇرا مەكتەپ ئوقۇغۇچىلىرى سانى ئاز، ئۇنىڭ ئۈستىگە ئاپتونوم رايوندىكى ئوتتۇرا تېخنىكوم مەكتەپلىرى قوبۇل قىلىپ كەتكەنلىكى ئۈچۈن دېھقانچىلىق مەكتىپىگە قوبۇل قىلغان ئوقۇغۇچىلارنىڭ كۆپىنچىسى باشلانغۇچنى پۈتتۈرگەن ئوقۇغۇچىلار بولۇپ، خەنزۇ ئوقۇغۇچىلار تۆت يىل، مىللىي ئوقۇغۇچىلار بەش يىل ئوقۇيدۇ. 1960 -، 1961 - يىللىرى كومبايىن شوپۇرى تەربىيىلەش سىنىپى، تراكتور شوپۇرى تەربىيىلەش سىنىپى تەسىس قىلىپ، بەلگىلىك دەرىجىدە شۇ جايدىكى دېھقانچىلىق ماشىنىلىرى تېخنىكا خادىملىرىنىڭ كەمچىل بولۇشتەك قىيىن مەسىلىسىنى ھەل قىلدى. 1962 - يىلى 6 - ئايدا، ئاپتونوم رايون قۇمۇل يېزا ئىگىلىك مەكتىپىنى تاقاشنى قارار قىلغان. ئوقۇغۇچىلاردىن ئىككى يىللىق يېزا ئىگىلىك تېخنىك ئىشچىلارنى تەربىيىلەش سىنىپىنى پۈتتۈرگەن 32 نەپەر ئوقۇغۇچىدىن باشقا، سىنىپتىكى بىر قىسىم ئۆگىنىشى ياخشى ئوقۇغۇچىلار ۋىلايەتلىك مالىيە سودا كادىرلارنى تەربىيىلەش سىنىپىغا يۆتكىلىپ، بوغالتىرلىق كەسپىنى ئۆگىنىشنى داۋاملاشتۇرغان. باشقا ئوقۇغۇچىلار ئەسلىدىكى ئىدارىسىگە ياكى يېزىسىغا قايتۇرۇۋېتىلگەن. مەكتەپنىڭ ماتېرىيال سايمانلىرىنىڭ بىر قىسمى ئاپتونوم رايونلۇق يېزا ئىگىلىك مەكتىپىگە تاپشۇرۇپ بېرىلگەن. يەنە بىر قىسمى قۇمۇل ۋىلايەتلىك بوغالتىرلىقى تەربىيىلەش سىنىپىغا تاپشۇرۇپ بېرىلگەن. مەكتەپ ئەسلىھەلىرى ۋىلايەتلىك راكېتا دېھانچىلىق مەيدانىنىڭ ۋاكالىتە باشقۇرۇشىغا تاپشۇرۇپ بېرىلگەن. 1979 - يىلى 11 - ئايدا ئاپتونوم رايونلۇق قۇمۇل يېزا ئىگىلىك نازارىتىنىڭ قاراى بىلەن دېھانچىلىق بىلەن مال دوختۇرلۇقتىن ئىبارەت ئىككى كەسىپنى ئاچقان. كېيىن يېزا ئىقتىسادىي كەسپى قۇشۇلغان. 1988 - يىلدىن كېيىن يەنە باغۋەنچىلىك كەسپىنى ئاچتى. 1997 - يىلى 8 - ئايدا قۇمۇل يېزا ئىگىلىك مەكتىپى بىلەن قۇمۇل دېھقانچىلىق ماشىنىلىرى مەكتىپى، دېھقانچىلىق رادىئو مەكتىپى بىرلەشتۈرۈلگەن. مەكتەپ نامى يەنىلا قۇمۇل يېزا ئىگىلىك مەكتىپى بولغان. مەكتەپتە ئۆسۈملۈك ئاسراش، باغۋەنچىلىك، باقمىچىلىق، ماشىنىسازلىق قاتارلىق 20 گە يېقىن كەسپ ئېچىلغان. ئىگىلىگەن يەر مەيدانى 439846 كۋادرات مېتىر، مەكتەپ قۇرۇلۇش كۆلىمى 110265 كۋادرات مېتىر، دېھقانچىلىق، مىكرو جانلىقلار، كومپيۇتېر، پارازىت قۇرت، ئۆسۈملۈك فىزىئولوگىيىسى قاتارلىق 14 تەجرىبىخانا قۇرۇلغان. مەكتەپ شتاتى 208. 1999 - يىلدىكى ئوقۇتقۇچى 156 نەپەر. ئوقۇغۇچى 477 نەپەر.