قاتتىق ئۆستۈرگۈچ

بىئولوگىيە 固体培养基 gùtǐpéiyǎngjī ئادەتتىكى سۇيۇق ئۆستۈرگۈچكە بەلگىلىك مىقداردا قاتۇرغۇچ قوشۇلغان، ئۆي تېمپپېراتۇرىسىدا قاتتىق ھالەتتە بولىدىغان ئۆستۈرگۈچ. قاتۇرغۇچنىڭ ئادەتتە يۇقىرىراق تېمپېراتۇرىدا قاتتىق ھالەتتە بولۇشى تەلەپ قىلىنىدۇ (مەسىلەن، ئاگار 45 سېلىتسىيە گرادۇستىن يۇقىرى بولغاندا سۇيۇق ھالەتتە، 45 سېلىتسىيە گرادۇستىن تۆۋەن بولغاندا قاتتىق ھالەتتە بولىدۇ). دائىم ئىشلىتىلىدىغان قاتۇرغۇچلار: ئاگار، كرېمىنىي يىلىمى، يار يېلىم قاتارلىقلار. ئۇنىڭدىن باشقا بەزى تەبىئىي قاتتىق ماددىلاردىن ياڭيۇ، سەۋزە، كېپەك، تېرىق، گۈرۈچ ئاش قاتارلىقلارنىمۇ بەزى مىكرو ئورگانىزملارنىڭ ئۆستۈرگۈچىسى قىلىشقا بولىدۇ، بۇ باشقا بىر خىل قاتتىق ئۆستۈرگۈچ. قاتتىق ئۆستۈرگۈچ باكتېرىيە توپىنىڭ مورفولوگىيىلىك ئالاھىدىلىكىنى تەتقىق قىلىش، مىكرو ئورگانىزملارنى ئايرىش، تۈز تاختىدا تىرىك باكتېرىيىلەرنىڭ سانىنى ساناش ۋە باكتېرىيە ئۇرۇقنى ساقلاش قاتارلىقلاردا ئىشلىتىلىدۇ.