پارىژدىكى بۈۋى مەريەم چېركاۋى

دۇنيا تارىخى فرانسىيىدىكى ئەڭ چوڭ كاتولىك چېركاۋى، ئورنى پارىژدىكى سېنا دەرياسىدىكى ئارالنىڭ شەرقىي تەرىپىدە. بۇ ياۋورپا بويىچە دەسلەپ قۇرۇلغان گوستىكچە بىناكارلىق ۋە نەققاشلىق سەنئىتىنىڭ نامايەندىسى، قۇرۇلمىسىنىڭ مۇتاناسىپلىقى، كۆركەملىكى بىلەن دۇنياغا مەشھۇر. جەمئىي ئۈچ خانىقادىن تەركىب تاپقان. 1163-يىلى ئىش باشلىنىپ، پاپا ئالېكساندر 3 (1159 - 1181- يىللىرى تەختتە ئولتۇرغان) ۋە فرانسىيە كورۇلى لۇئى Ⅶ لار ئۇل قويغان، 1320-يىلى قۇرۇلۇش تاماملانغان، ئۇلى Ⅸ ئەسىرنىڭ ئوتتۇرىلىرىدىكى فرانسىيە مورۋېن خاندانلىقى دەۋرىدىكى ئېپىسكوپ تۇرغان زالنىڭ خارابىسىدىن ئىبارەت. پۈتكۈل قۇرۇلۇشنىڭ ئۇزۇنلۇقى 130 مېتىر، كەڭلىكى 47 مېتىر، ئوتتۇرا قىسمىدىكى خانىقا تورۇسىنىڭ ئېگىزلىكى 35 مېتىر، بىر جۈپ سانائەتلىك مۇنارىنىڭ ئېگىزلىكى 69 مېتىر كېلىدۇ. خانىقادا ⅩⅢ ئەسىردىن ⅩⅦ ئەسىرگىچە بولغان نۇرغۇنلىغان قىممەتلىك سەنئەت بۇيۇملىرى ساقلانغان.